Sigingo 33:7 - Mbeti ti Nzapa - Tënë so amu fini

⁷ Na ndembe so azo ti Israel ayeke sara bâbâ ti ala lakue, Moïse ayeke gbara da ti bongo ni yongoro na bâbâ ni. Lo di iri ni “da ti bongo so KOTA GBIA na azo ti lo ayeke wara tere daa.” Tongaso, azo so kue aye ti hunda KOTA GBIA na mbeni tënë, ala yeke sigigi na ya ti bâbâ ni si ala yeke gue na da ti bongo ni.

Sigingo 33:7 Iomraidhean Croise

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

Abia (Psaumes) 10:1

*KOTA GBIA, ngbanga ti nyen si mo ngba yongoro kâ? Ngbanga ti nyen si mo honde tere ti mo na ngoi ti ye ti ngangu?

Abia (Psaumes) 27:8

Mbi yeke gbu li ti mbi na ndö ti tënë ti mo so mo tene: “Ala azo, ala gi le ti mbi!” Biani, KOTA GBIA, mbi yeke gi le ti mo!

Abia (Psaumes) 35:22

KOTA GBIA, mo baa ye ni awe, mo kanga yanga ti mo na ndö ni pepe! Kota Gbia, mo gue yongoro na tere ti mbi pepe!

Sigingo 18:12

Na pekoni, Zetro, kogara ti Moïse aya *sandaga so a yeke gbi ni kue na wâ nga na asandaga nde nde na Nzapa. Tongaso Aaron na *akangba ti Israel kue aga ti te kobe na kogara ti Moïse na dawa ti Nzapa.

Sigingo 18:7

Moïse ague ti wara kogara ti lo na lege, lo kuku na gbe ti lo, lo londo si lo su ngbangba ti lo. Ala hunda tere na popo ti ala: “Ala yeke nzoni?” Na pekoni, ala li na ya ti da ti bongo ti Moïse.

Sigingo 33:6

Gi so azo ti Israel alondo na hoto ti Horeb, ala to nda ti zi aye ti baba ti ala ni.

Sigingo 33:8

Lakue tongana Moïse ayeke gue na da ti bongo ni, azo kue ayeke londo na nduzu. Zo oko oko ayeke luti na yanga ti da ti lo si lo yeke baa peko ti Moïse ngbii Moïse ali na ya ti da ti bongo ni.

Amato 15:29

KOTA GBIA angba yongoro na tere ti azo ti sioni; me lo yeke ma sambela ti azo ti mbirimbiri.

Ésaïe 59:2

Sioni ti ala laa akangbi popo ti ala na Nzapa ti ala; siokpari ti ala laa asara si lo bi le ti lo yongoro si lo lingbi ti ma ala pepe.

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.