Sigingo 33:3 - Mbeti ti Nzapa - Tënë so amu fini

³ Ala gue na *kodro so ngu ti me ti bagara na mafuta ti wotoro asi singo daa. Ti mbi, mbi yeke gue na ala pepe, ngbanga ti so ala yeke azo ti ngangu li. Tongana mbi gue na ala, fade mbi yeke fâ ala kue na lege ti hunzi ala.”

Sigingo 33:3 Iomraidhean Croise

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 32:14

Tongaso KOTA GBIA azia ti sara sioni so lo ye fade ti sara na azo ti lo.

Sigingo 33:5

KOTA GBIA atene na Moïse: “Tene na azo ti Israel, mo tene: ‘Ala yeke azo ti ngangu li! Tongana mbi gue na ala gi na ya ti kete nduru ngbonga, fade mbi yeke fâ ala kue ti hunzi ala. Fadeso, ala zi aye ti baba ti ala ni; mbi yeke baa ye so mbi yeke sara ndali ti ala.’ ”

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Jérémie 11:5

Tongaso, zendo so mbi mu ando na akotara ti ala, fade mbi yeke sara ye alingbi na ni. Mbi deba ando yanga ti mbi ti mu na ala *kodro so ngu ti me ti bagara na mafuta ti wotoro asi singo daa, kodro ni laa ala yeke daa laso so.” Mbi kiri tënë: “Amen, KOTA GBIA!”

Ezekiel 20:6

Na lango ni so, mbi yoro maboko ti mbi na nduzu, mbi deba yanga ti mbi na ala, mbi tene: fade mbi yeke sara si ala sigigi na sese ti Ezipte ti gue na mbeni kodro so mbi *bembe ni ando ndali ti ala; kodro ni ayeke pendere ahon akodro kue, *kodro so ngu ti me ti bagara na mafuta ti wotoro asi singo daa.

Awayango-sandaga 20:24

Mbi tene lani na ala azo ti Israel, mbi tene: ‘Ala laa ayeke mu ande sese ti amara ni titene aga ti ala. Mbi laa mbi yeke mu sese ni na ala titene aga ti ala: *sese so ngu ti me ti bagara na mafuta ti wotoro asi singo daa!’ Mbi laa mbi yeke KOTA GBIA, Nzapa ti ala so mbi zia ala nde na popo ti amara nde.

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Jonas 3:4

Na ya ti lango oko, Jonas atambula na ya ti gbata ni si lo yeke dekongo, lo tene: “Angba lango baleosio titene Ninive abuba biani biani.”

Wungo ti azo 13:27

Ala tene na Moïse: “E gue, e si na kodro so mo tokua e daa. Biani, kodro ni ayeke *kodro so ngu ti me ti bagara na mafuta ti wotoro asi singo daa. Ala baa, ambeni le ti keke ti kodro ni laa.

Wungo ti azo 14:12

Fade mbi yeke pika ala na kobela ti bubango kodro, mbi yeke gbanzi ala na ye so ayeke ga ti ala. Ti mo Moïse, fade mbi yeke sara titene mo ga mbeni kota mara nga na mara so ayeke ngangu ahon ala.”

Wungo ti azo 14:8

Tongana KOTA GBIA aye ti sara nzoni na e, fade lo yeke gue na e na ya ti kodro ni, lo yeke mu na e kodro ni, *kodro so ngu ti me ti bagara na mafuta ti wotoro asi singo daa.

Wungo ti azo 16:13

So mo mu e, mo sigigi na e na ya ti *kodro so ngu ti me ti bagara na mafuta ti wotoro asi singo daa titene e kui na ya ti benyama so, so alingbi na mo pepe? Na ndö ni kue, mo ye ti sara komandema na ndö ti e?

Wungo ti azo 16:21

“Ala londo na popo ti azo ni ahon, mbi yeke hunzi ala kue fafadeso.”

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

Josué 5:6

Azo ti Israel atambula na benyama ngu baleosio. So ngu baleosio ni ahunzi awe, akoli ti tiringo bira so alondo na Ezipte asigigi, ala kue akui. Ala kui, ngbanga ti so ala ma yanga ti KOTA GBIA pepe; KOTA GBIA adeba yanga ti lo lani atene, ni yeke zia ala titene ala li na ya ti kodro ni so pepe, kodro so lo deba yanga ti mu na akotara ti ala; *kodro so ngu ti me ti bagara na mafuta ti wotoro asi singo daa.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.