Sigingo 33:1 - Mbeti ti Nzapa - Tënë so amu fini

¹ KOTA GBIA atene na Moïse: “Londo na ndo so, mo gue, mo na azo so mo zi ala na sese ti Ezipte, mo sigigi na ala so. Ala gue na sese so mbi deba yanga ti mbi na Abraham, Isaac na Jacob ti mu na *ahale ti ala so.

Sigingo 33:1 Iomraidhean Croise

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 26:1

Mbeni kota nzara ati na ya ti kodro ni. Kota nzara ni so ayeke nde na ti so ati na ngoi ti Abraham. Isaac ague na kodro ti Gerar, na ndo ti Abimelek, gbia ti azo ti Filistii.

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 28:10

Jacob alondo na Bersheba ti gue na Haran.

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

Sigingo 17:3

Kâ, nzara ti ngu ahon ndö ti azo ni si ala kasa Moïse, atene: “Mo mu e na kodro ti Ezipte, mo ga na e ge ngbanga ti nyen? Mo ye titene nzara ti ngu afâ e, na amolenge ti e nga na anyama ti e?”

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 32:13

Dabe ti mo na azo ti kua ti mo Abraham, Isaac na Jacob, ala so mo wani, mo deba yanga ti mo na ala, mo tene: ‘Fade mbi yeke sara titene *ahale ti ala awu tongana atongoro ti le ti nduzu. Sese so mbi mu zendo ni na ala, fade mbi yeke mu ni na ahale ti ala si aga ye ti ala kpu na kpu.’ ”

Sigingo 32:34

Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.”

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Awayango-sandaga 20:24

Mbi tene lani na ala azo ti Israel, mbi tene: ‘Ala laa ayeke mu ande sese ti amara ni titene aga ti ala. Mbi laa mbi yeke mu sese ni na ala titene aga ti ala: *sese so ngu ti me ti bagara na mafuta ti wotoro asi singo daa!’ Mbi laa mbi yeke KOTA GBIA, Nzapa ti ala so mbi zia ala nde na popo ti amara nde.

Wungo ti azo 11:12

Mbi laa, mbi mu ngo ti azo so kue? Mbi laa mbi du ala? Si mo tene na mbi: yo ala tongana ti so mama ti molenge ayeke yo kete molenge ti lo ti mu me na lo; mo yo ala ngbii asi na sese so mbi mu na akotara ti ala na lege ti zendo so.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Ndia ti fani use ni 1:8

Ala baa: mbi mu na ala sese so awe. Ala gue, amu ni titene aga ti ala, ngbanga ti so ayeke sese so mbi, KOTA GBIA, mbi deba yanga ti mbi ti mu na akotara ti ala Abraham, Isaac na Jacob nga na *ahale ti ala na peko ti ala!”