Sigingo 32:8 - Mbeti ti Nzapa - Tënë so amu fini

⁸ Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Sigingo 32:8 Iomraidhean Croise

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

Néhémie 9:18

Ala mu lôro akporo ni si asara na molenge ti bagara si ala tene: ‘Baa, nzapa ti e so asara si e sigigi na Ezipte laa!’ Na sarango ye tongaso, ala zonga mo mingi.

Abia (Psaumes) 106:19

Na hoto ti Horeb, ala leke kete bagara, ala kuku ti voro yanda so ala sara na wen.

Abia (Psaumes) 78:36

Me ala yeke handa lo na lege ti tënë ti yanga ti ala; ala yeke tene mvene na lo na lege ti menga ti ala.

Sigingo 20:23

Alingbi ala mu wen ti nginza wala lôro, ala leke na ambeni nzapa nde ti zia na tere ti mbi pepe; ala sara ambeni nzapa nde ndali ti ala wani pepe.

Sigingo 22:20

“Awande so alango na ndo ti ala, alingbi ala sara sioni na ala pepe wala ala sara ngangu na ala pepe. Biani, ala nga, ala yeke lani awande na sese ti Ezipte.

Sigingo 32:4

Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!”

Sigingo 34:15

Tongaso, alingbi ala na azo ti kodro ni aga ambuki pepe. Tongaso pepe, tongana azo ni ayeke kpe na peko ti anzapa ti ala si ayeke mu *asandaga na anzapa ni, gbaa fade azo ni ayeke tisa ala, azo ti Israel ti te kobe so azo ni ayeke mu na sandaga na anzapa ti ala ni.

Ésaïe 46:6

Ambeni zo ayeke sigigi na lôro ti bozo ti ala kue, ala yeke haka wen ti nginza na kilo, ala yeke futa mbeni wakode-kua ti kporo lôro ti sara na mbeni nzapa. Na pekoni, ala yeke kuku na gbe ti lo ti voro lo.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Ndia ti fani use ni 32:17

Ala yeke ya *asandaga na asioni yingo so ayeke nga Nzapa pepe, ala hinga anzapa ni so pepe. Ala yeke afini nzapa so akotara ti ala ahinga ala laoko pepe.

Ndia ti fani use ni 9:12

Na pekoni, KOTA GBIA atene na mbi: “Mo londo ge, mo zu hio, ngbanga ti so azo ti mo so mo sara si ala sigigi na Ezipte so, ala sara siokpari so ayeke sioni mingi. Lege so lani mbi fa na ala, ala do ni hio azia awe. Ala mu lôro, ala kporo ni si asara na mbeni yanda!”

Ndia ti fani use ni 9:16

Mbi baa so ala sara siokpari biani ti ke KOTA GBIA Nzapa ti ala: ala mu lôro, ala kporo ni si asara na bagara ndali ti ala wani. Gi hio tongaso, lege so KOTA GBIA afa na ala, ala do ni azia.

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene:

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.

Awafango-ngbanga 8:24

Na pekoni, Gédéon atene na ala: “Mbi ye ti hunda na ala mbeni ye: ayeke nzoni zo oko oko amu na mbi ye ti mê oko ti lôro so lo gbu na peko ti bira.” Biani, azo ti Madian ayeke na aye ti mê ti lôro, ngbanga ti so ala yeke azo ti mara ti Ismael.