Sigingo 32:7 - Mbeti ti Nzapa - Tënë so amu fini

⁷ Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Sigingo 32:7 Iomraidhean Croise

2 Mbai 27:2

Yotam asara ye so ayeke mbirimbiri na le ti *KOTA GBIA gi tongana ti so babâ ti lo Ozias asara. Ti lo, lo li na ya ti kota da ti KOTA GBIA pepe. Me azo ti kodro ni angba lakue ti sara sioni.

Abia (Psaumes) 78:36

Me ala yeke handa lo na lege ti tënë ti yanga ti ala; ala yeke tene mvene na lo na lege ti menga ti ala.

Sigingo 19:24

KOTA GBIA atene na Moïse: “Kiri mo zu; na pekoni, mo na Aaron ama na li ti hoto ni. Ti awayango-sandaga nga na azo ni, ala do tere ti ala pepe ti ma na mbage ti mbi. Tongaso pepe, fade mbi yeke sara titene azo mingi na popo ti ala akui.”

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 32:4

Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!”

Sigingo 33:1

KOTA GBIA atene na Moïse: “Londo na ndo so, mo gue, mo na azo so mo zi ala na sese ti Ezipte, mo sigigi na ala so. Ala gue na sese so mbi deba yanga ti mbi na Abraham, Isaac na Jacob ti mu na *ahale ti ala so.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Osée 9:9

Ala linda lindango na ya ti sarango sioni ye tongana ti so ala sara ando na Gibea. Me fade Nzapa ayeke dabe ti lo na sioni ti ala, lo yeke ga ti kiri peko ti sioni na ala ndali ti asiokpari ti ala.

Ndia ti fani use ni 31:29

Biani, mbi hinga, mbi tene, na peko ti kuâ ti mbi, fade azo ti Israel ayeke ti na ya ti siokpari, ala yeke zia lege so mbi fa na ala. Gbanda, fade ye ti vundu ayeke si na ala ndali ti asioni ye so kue ala yeke sara ti so be ti KOTA GBIA nga na aye so be ti lo ake ni.”

Ndia ti fani use ni 32:5

Me ala, ala yeke azo ti sioni mingi, ala sara sioni ti ke KOTA GBIA. Ndali ti sioni ti ala, ala kpa ti duti amolenge ti lo pepe, ala yeke azo ti ngoi ti fadeso so ayeke azo ti kirikiri, azo ti handango amba ti ala!

Ndia ti fani use ni 4:16

Ala sara siokpari pepe na lege ti sarango mbeni yanda, limo ti mbeni ye so a leke na kode si akpa koli wala wali,

Ndia ti fani use ni 9:12

Na pekoni, KOTA GBIA atene na mbi: “Mo londo ge, mo zu hio, ngbanga ti so azo ti mo so mo sara si ala sigigi na Ezipte so, ala sara siokpari so ayeke sioni mingi. Lege so lani mbi fa na ala, ala do ni hio azia awe. Ala mu lôro, ala kporo ni si asara na mbeni yanda!”

Ndia ti fani use ni 9:8

Na hoto ti Horeb, ala zia ngonzo mingi na be ti KOTA GBIA, asara si lo ye lani ti fâ ala kue.

Awafango-ngbanga 2:19

Me tongana wafango-ngbanga ni akui awe, ala kiri asara ye ti sioni mingi ahon ti akotara ti ala. Ala yeke gue na peko ti ambeni nzapa nde ti sara na ala, ala yeke kuku akpo li ti ala na sese na dawa ti anzapa ni. Ala zia asioni sarango ye ti ala wala ngangu li ti ala oko pepe.