Sigingo 32:6 - Mbeti ti Nzapa - Tënë so amu fini

⁶ Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia.

Sigingo 32:6 Iomraidhean Croise

Sigingo 32:5

So Aaron abaa ye ni so, lo leke mbeni gbalaka na dawa ti yanda ni. Na pekoni, lo to mbela, lo tene: “Kekereke, e yeke sara matanga ndali ti KOTA GBIA!”

Amos 2:8

Abongo so ala gbu na maboko ti awayere ndali ti boon so awayere ni amu, ala bi na sese, nduru na tere ti agbalaka si ala yeke lango na ndö ni. Vin so ala gbanzi, ala ayeke nyon ni na ya ti da ti anzapa ti ala.

Amos 8:10

Fade mbi yeke sara si amatanga ti ala aga ngoi ti vundu; abia ti ala ayeke ga abia ti totongo kuâ. Fade mbi yeke sara si azo kue ayeke yu bongo ti mua si ala yeke kio kua ti li ti ala; mbi yeke sara si ala yeke sara mua tongana ti so a yeke sara mua ndali ti oko molenge ti ya ti sewa so akui. Na lango ni so, fade aye so kue ayeke hunzi na ya ti mawa.”

Wungo ti azo 25:2

Awali ni ahanda azo ti Israel ti mu *asandaga na anzapa ti ala. Azo ti Israel ate akobe ti anzapa ni si ala kuku na gbe ti ala ti voro ala.

1 Korente 10:7

Ala azo ti Christ, ala voro anzapa nde pepe tongana ti so ambeni zo na popo ti akotara ti ala avoro ala ando. Mbeti ti Nzapa atene: “Azo ni aduti ti te, ti nyon si na pekoni, ala londo ti sara ngia.”

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.