Sigingo 32:5 - Mbeti ti Nzapa - Tënë so amu fini

⁵ So Aaron abaa ye ni so, lo leke mbeni gbalaka na dawa ti yanda ni. Na pekoni, lo to mbela, lo tene: “Kekereke, e yeke sara matanga ndali ti KOTA GBIA!”

Sigingo 32:5 Iomraidhean Croise

1 Agbia 21:9

Tënë ti ya ti ambeti ni ayeke so: “Ala bongbi azo ti gbata ni titene ala ke kobe ti sambela. Ala mu Nabot, ala zia lo titene lo duti na li ni na ya ti bongbi ni.

2 Agbia 10:20

Ndani laa Yehu atene: “Ayeke nzoni ala iri kota bongbi so a zia ni nde ndali ti nzapa Baal.” Azo ni airi bongbi ni

2 Agbia 16:11

Wayango-sandaga Uria asara gbalaka ni alingbi gi na limo nga na kode ni so gbia Ahaz angba na Damas si atokua na lo so. Uria asara gbalaka ni kozo si gbia Ahaz alondo na Damas akiri.

2 Mbai 30:5

Tongaso ala yeda ti tokua azo ti to mbela na ya ti kodro ti Israel kue, ti londo na Bersheba ngbii asi na Dan ti iri azo ti ga na Jérusalem ti sara matanga ti Pake ndali ti KOTA GBIA, Nzapa ti Israel. Biani, kozo titene azo asara matanga na ngu ni so, gi azo kete laa asara matanga ni alingbi na andia ni so a su na mbeti.

Sigingo 10:9

Moïse akiri tënë: “E kue laa e yeke gue, amaseka na ambakoro, akoli na awali, ataba na angasa ti e nga na abagara ti e. Biani, alingbi e sara matanga ndali ti KOTA GBIA.”

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 17:15

Moïse aleke mbeni gbalaka si lo di iri ni “KOTA GBIA ayeke bendere ti mbi.”

Sigingo 32:4

Aaron amu lôro ni na maboko ti ala, lo kporo ni si lo sara na mbeni yanda ti bagara. Tongaso, azo ti Israel atene: “Baa, nzapa ti e so asara si e sigigi na Ezipte laa!”

Sigingo 32:6

Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia.

Osée 8:11

Azo ti Efraim akiri asara agbalaka gbani gbani ti zi siokpari ti ala, me agbalaka ni akiri amu lege na ala ti sara siokpari.

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Awayango-sandaga 23:2

Tene na azo ti Israel, mo tene: “Akota matanga so ala yeke sara ndali ti mbi KOTA GBIA ayeke amatanga so ala yeke bongbi ti voro mbi. Alango ti amatanga ni ayeke tongaso:

Awayango-sandaga 23:21

Gi na oko lango ni so, ala yeke iri azo ti kodro titene ala bongbi ti voro mbi. Kua so ala yeke sara lakue, ala sara ni pepe. So ayeke mbeni ndia so ayeke ngba ngu na ngu ndali ti ala na *ahale ti ala na ndo so kue ala yeke duti daa.

Awayango-sandaga 23:37

“So ayeke akota matanga ndali ti mbi KOTA GBIA laa; ala yeke bongbi ti voro mbi, ti ya na mbi asandaga so a yeke zö ni kue na wâ, asandaga so a yeke gbi ni kue na wâ wala asandaga ti ale ti kobe, sandaga ti beoko wala sandaga ti samba, alingbi na ndia ti matanga oko oko.

Awayango-sandaga 23:4

“Ambeni kota matanga so ala yeke bongbi ti voro mbi KOTA GBIA fade ala yeke sara ni alingbi na alango so a diko awe:

1 Korente 5:8

Tongaso, e sara matanga ti Pake ni na ngbene mama ti mapa pepe, so ti tene na asiokpari na aye ti sioni; me e sara matanga ni na mapa so asara na mama ni pepe, so ti tene na vurungo be nga na tenengo taa-tënë.

1 Samuel 14:35

Tongaso, Saul asara gbalaka ndali ti KOTA GBIA. So ayeke kozo gbalaka so lo sara ndali ti KOTA GBIA laa.