Sigingo 32:25 - Mbeti ti Nzapa - Tënë so amu fini

²⁵ Moïse abaa atene, Aaron azia azo ni ti sara ye ti be ti ala; tongaso si ala lingbi ti ga ye ti ngia na le ti awato ti ala.

Sigingo 32:25 Iomraidhean Croise

Tongo nda ti aye 3:10

Koli ni akiri tënë, atene: “Mbi ma go ti mo na ya ti yaka. Mbeto asara mbi, ngbanga ti so tere ti mbi ayeke senge si mbi honde tere ti mbi.”

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

1 Agbia 14:16

KOTA GBIA ayeke do azo ti Israel ti zia, ngbanga ti so Yeroboam asara siokpari si lo pusu nga azo ti Israel ti sara siokpari.”

2 Mbai 28:19

*KOTA GBIA azia kamene na le ti azo ti Juda ndali ti Ahaz. Ahaz apusu azo ti kodro ti lo ti sara sioni mingi, lo wani, lo sara sioni mingi so ake KOTA GBIA.

Sigingo 32:26

Moïse ague, aluti na yanga ti bâbâ si lo tene: “Azo so ayeke ti KOTA GBIA, ala ga ge!” Azo ti mara ti Lévi kue abongbi na tere ti lo.

Amato 29:18

Kodro so wayanga-Nzapa ayeke daa pepe ayeke duti gi na ya ti wusuwusu. Ti lo nzoni, zo so asara ye alingbi na *Ndia!

Ésaïe 47:3

Fade tere ti mo ayeke ngba senge, azo ayeke baa tere ti mo ti kamene. Sioni so mo sara so, mbi yeke kiri peko ni na mo. Zo oko ti gbanzi mbi ayeke daa pepe.”

Jérémie 5:5

Tongaso fade mbi yeke gue na mbage ti akota zo si mbi tene tënë na ala. Ala laa ahinga ye so KOTA GBIA aye; ala laa ahinga atënë ti ndia ti Nzapa ti ala.” Me ala kue ayeke gi legeoko: ala ke ti duti na gbe ti komandema ti KOTA GBIA, ala fâ ya ti ye so abongbi ala na Nzapa awe.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Mishe 1:11

Ala azo ti gbata ti Shafir, azo ayeke gbu ala ti gue na ala na kodro wande, na kamene na le ti ala, tere ti ala senge. Azo ti gbata ti Saanan ayeke kiri ti sigigi pepe. Azo ti gbata ti Bet-Esel ayeke dema tere ti ala, gbata ni alingbi ti mu maboko na ala pepe.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Ndia ti fani use ni 9:20

Sioni ngonzo ti KOTA GBIA alondo nga na tere ti Aaron si lo ye ti fâ lo, me mbi sambela nga ndali ti Aaron na lango ni so.

Aye so Nzapa afa 16:15

Kota Gbia atene: “Baa, mbi yeke ga tongana zo ti nzi! Ti lo nzoni, zo so alango pepe si lo bata bongo ti lo na tere ti lo. Tongaso, fade lo yeke tambula na tere ti lo senge pepe, kamene ayeke sara lo na le ti azo pepe.”