Sigingo 32:22 - Mbeti ti Nzapa - Tënë so amu fini

²² Aaron akiri tënë: “Mbi gbu gere ti mo, mo sara ngonzo pepe. Mo wani, mo hinga so azo so ayeke ninga pepe ti sara sioni.

Sigingo 32:22 Iomraidhean Croise

Tongo nda ti aye 44:18

Juda ague nduru na tere ti Joseph si lo tene na lo: “Kota zo, mbi gbu gere ti mo, zia mbi, zo ti gbe ti mo, mbi tene mbeni tënë, mo ma. Zia ngonzo ti mo alondo ngangu na tere ti mbi pepe, ngbanga ti so mo yeke tongana Faraon.

Abia (Psaumes) 36:4

Tënë ti yanga ti lo kue gi mvene, tënë ti yanga ti lo gi ti handango zo; lo girisa lege ti ndara awe, lo girisa lege ti sarango nzoni ye awe.

Sigingo 14:11

Ala tene na Moïse, atene: “Du ti kuâ ayeke na Ezipte pepe si mo ga na e titene e kui na benyama so? Mo zi e na Ezipte, mo sigigi na e ngbanga ti nyen?

Sigingo 15:24

Azo ni akasa Moïse, atene: “Fade e yeke nyon nyen?”

Sigingo 16:20

Me ambeni zo ni ama Moïse pepe. Ala bata kobe ni asi na ndaperere; angusu adu daa si kobe ni afun sioni. Tongaso Moïse asara ngonzo na tere ti ala.

Sigingo 16:28

KOTA GBIA atene na Moïse: “Ala yeke ngba ti ke ti sara ye alingbi na tënë ti yanga ti mbi na ndia ti mbi ngbii asi lawa?

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 32:21

Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?”

Amato 4:16

Biani, azo ni ayeke lango pepe ngbii ala sara sioni si. Lango ayeke gbu le ti ala pepe ngbii ala kinda mbeni zo si.

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

Ndia ti fani use ni 9:24

Ngbene ye so mbi hinga ala, ala sara gi ngangu li na KOTA GBIA ngbii asi laso.

Ndia ti fani use ni 9:7

Moïse atene: Ala azo ti Israel, alingbi ala dabe ti ala na ye so: ala zia lani ngonzo na be ti *KOTA GBIA Nzapa ti ala na benyama. Alingbi be ti ala agirisa na ni laoko pepe! Ti londo na lango so ala sigigi na Ezipte si ala ga ngbii asi ge so, ala tomboka na tere ti KOTA GBIA lakue.

1 Samuel 15:15

Saul akiri tënë: “Aturugu agbu ala na kodro ti azo ti Amalek si aga na ala. Ala bata anzoni taba na anzoni bagara ti mu na *sandaga na KOTA GBIA, Nzapa ti mo. E fâ tanga ti aye kue.”

1 Samuel 15:21

Aye so kue e gbu na peko ti bira si e lingbi fade ti buba ni kue so, aturugu asoro anzoni taba na angasa nga na anzoni bagara titene ala mu ni na sandaga na KOTA GBIA, Nzapa ti mo na kodro ti Gilgal.”

1 Samuel 15:24

Saul atene na Samuel: “Mbi sara siokpari awe; mbi ke yanga ti KOTA GBIA awe, mbi ke tënë ti mo. Mbeto ti aturugu laa asara mbi si mbi ma yanga ti ala.