Sigingo 32:19 - Mbeti ti Nzapa - Tënë so amu fini

¹⁹ So Moïse aga nduru na bâbâ ni awe, lo baa bagara so azo ni aleke na dodo so ala yeke do. Ngonzo ti lo alondo tongana wâ si atêne so ayeke na maboko ti lo, lo bo ya ni na sese na gbe ti hoto ni si ya ti atêne ni afâ.

Sigingo 32:19 Iomraidhean Croise

2 Samuel 6:14

David adodo na ngangu ti lo kue na dawa ti KOTA GBIA; lo yu bongo ti awayango-sandaga so a sara na *len si ayeke tongana mapia-bongo.

Abia (Psaumes) 119:53

Ngonzo agbu mbi ngangu mingi na tere ti azo ti sioni so azia lege ti ndia ti mo.

Sigingo 15:20

Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo.

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 32:18

Me Moïse akiri tënë: “Dekongo ni ayeke ti songo benda pepe, wala ti azo so bira ahon ndö ti ala pepe. Ti mbi, dekongo so mbi ma ayeke bia ti matanga.”

Sigingo 34:1

KOTA GBIA atene na Moïse: “Mo leke akpangbara têne use tongana ti kozoni so. Fade mbi yeke su na le ni gi atënë so ayeke lani na le ti akozo têne so mo fâ ya ni so.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Abia ti demango tere 5:15

Ngia ti be ti e kue ahunzi, adodo ti e ahunzi awe; aga gi totongo akuâ.

Zakarii 11:14

Na pekoni, mbi fâ ya ti use keke ti mbi so iri ni Beoko titene mbi kangbi songo so ayeke na popo ti azo ti Juda na azo ti Israel.

Wungo ti azo 12:3

Moïse ayeke mbeni zo so ayeke sara tere ti lo kete mingi; mbeni zo na sese so ti sara tere ti lo kete ti lingbi na lo ayeke daa pepe.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

1 Korente 10:7

Ala azo ti Christ, ala voro anzapa nde pepe tongana ti so ambeni zo na popo ti akotara ti ala avoro ala ando. Mbeti ti Nzapa atene: “Azo ni aduti ti te, ti nyon si na pekoni, ala londo ti sara ngia.”

Efeze 4:26

Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Ndia ti fani use ni 10:2

Na ndö ti akpangbara têne ni, fade mbi yeke su gi atënë so ayeke na ndö ti akozo kpangbara têne so mo fâ ya ni so. Na pekoni, mo yeke zia akpangbara têne ni na ya ti sanduku ni.”

Ndia ti fani use ni 27:26

‘Deba aga na ndö ti zo so ayeke baa atënë ti ndia ti Nzapa tongana senge ye si lo yeke sara ye alingbi na ni pepe!’ Fade azo kue ayeke kiri tënë, atene: ‘Amen!’ ”