Sigingo 32:15 - Mbeti ti Nzapa - Tënë so amu fini

¹⁵ Moïse alondo na li ti hoto ni, lo zu. Lo gbu na maboko ti lo atêne use so a su atënë ti mbuki na le ni, mbage na mbage; a su atënë ti ndia na le ni.

Sigingo 32:15 Iomraidhean Croise

Abia (Psaumes) 19:7

Lo londo na mbeni mbage ti le ti nduzu, lo gue ngbii lo si na mbeni mbage ti le ti nduzu ni; ye kue ayeke na gbe ti ngangu ti sungo ti lo.

Sigingo 16:34

Aaron asara ye alingbi na yanga so KOTA GBIA amu lani na Moïse: lo zia ta ni na dawa ti atêne so a su atënë ti mbuki na le ni.

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 24:18

Moïse ali na ya ti mbinda ni si lo ma na li ti hoto ni. Lo ngba kâ lango baleosio na bi baleosio.

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 32:16

Atêne ni, Nzapa laa asara; mbeti ni, Nzapa wani laa asu na le ti atêne ni.

Sigingo 34:29

Moïse alondo na li ti hoto ti Sinai ti zu; atêne use so a su atënë ti ndia na le ni ayeke na maboko ti lo. So lo yeke zu, ndö ti le ti lo ayeke za zango, ngbanga ti so lo na KOTA GBIA atene tënë. So ndö ti le ti lo ayeke za so, lo hinga ye oko daa pepe.

Sigingo 40:20

Na pekoni, lo mu atêne so a su atënë ti ndia na le ni, lo zia na ya ti sanduku. Lo yoro ayongoro keke na ya ti *akati so ayeke na tere ti sanduku ni si lo zia ye ti kangango na yanga ni na ndö ni.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

2 Korente 3:7

A de atënë ti ndia na ndö ti atêne si gonda ti Nzapa aza ahon ndoni na ndembe ni so. Ndali ti zango ti gonda ni, azo ti Israel alingbi ti baa le ti Moïse pepe, ataa so gonda ni ayeke gi ndali ti kete ngoi. Tongana ndia so ayeke gue na zo na kuâ asara si lo wara gonda ahon ndoni,

Ndia ti fani use ni 5:22

So ayeke atënë so KOTA GBIA atene na ala na kota go, na ya ti wâ, na ya ti guru ti wâ nga na ya ti ngbongboro mbinda. Lo tene atënë ni na ala so kue abongbi na gbe ti hoto; lo zia mbeni tënë nde na ndö ni pepe. Na pekoni, lo su atënë ni na le ti akpangbara têne use si lo mu ni na mbi.

Ndia ti fani use ni 9:15

Tongaso mbi londo na li ti hoto ni, mbi zu; andaa hoto ni kue gi wâ. Akpangbara têne use so a su atënë ti mbuki na le ni ayeke na maboko ti mbi.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.

Aye so Nzapa afa 5:1

Mbi baa mbeni mbeti so a rule ni rulengo; mbeti ni ayeke na maboko ti koli so aduti na ndö ti mbata ti gbia so. A su mbeti na ya ni nga na peko ni kue, a zia *anzoroko mbarambara na ndö ni ti kanga na ni.