Sigingo 32:12 - Mbeti ti Nzapa - Tënë so amu fini

¹² Tongana mo sara tongaso, fade azo ti Ezipte ayeke tene: ‘Na lege ti sioni be laa KOTA GBIA asara si azo ti Israel asigigi na kodro ti Ezipte; lo ye ti fâ ala na ndö ti hoto, ti hunzi ala na ndö ti sese so!’ KOTA GBIA, kai sioni ngonzo ti mo, zia ti sara sioni na azo ti mo.

Sigingo 32:12 Iomraidhean Croise

Tongo nda ti aye 6:6

Nilaa be ti KOTA GBIA aso ndali ti so lo sara zo si lo zia lo na ndö ti sese so. Vundu agbu be ti lo mingi.

1 Agbia 8:51

Biani, ala yeke azo ti mo, ala ga azo ti mo awe, ala so mo sara si ala sigigi na Ezipte, kodro so ala baa ando pasi daa ahon ndoni so.

Esdras 10:14

Ayeke nzoni amakonzi ti e aluti na ndo so na iri ti bongbi ti azo ni kue. Azo so kue na ya ti agbata ti e amu awali so ayeke awande, fade ala yeke ga ti luti na dawa ti amakonzi ni na lango so a yeke fa na ala. Azo ni na *akangba nga na awafango-ngbanga ti agbata oko oko ayeke ga nga. E yeke leke tënë ni ngbii ngonzo ti Nzapa so alondo tongana wâ na tere ti e so ade.”

Abia (Psaumes) 106:45

lo dabe ti lo na tënë ti mbuki ti lo na ala; ndali ti kota nzoni be ti lo, lo zia lege ti ye so lo ye ti sara na ala.

Abia (Psaumes) 74:18

*KOTA GBIA, dabe ti mo na ye so: wato ayeke zonga mo, azo so ahinga ndo pepe so ayeke buba iri ti mo.

Abia (Psaumes) 78:38

Me lo, lo yeke baa mawa ti zo, lo yeke zi sioni na li ti ala, lo yeke fâ ala pepe. Fani mingi, lo kanga lege na ngonzo ti lo, lo sara si sioni ngonzo ti lo alondo pepe.

Abia (Psaumes) 85:3

Mo zi sioni ti azo ti mo awe, mo zi siokpari ti ala kue na li ti ala awe. Luti kete

Abia (Psaumes) 90:13

*KOTA GBIA, ngonzo ti mo ayeke ngba ngbii asi lawa? Kiri na mbage ti e, baa mawa ti e, azo ti kua ti mo!

Sigingo 32:14

Tongaso KOTA GBIA azia ti sara sioni so lo ye fade ti sara na azo ti lo.

Sigingo 33:13

Fadeso, tongana mo baa mbi na nzoni le biani, fa na mbi lege ti mo si mbi hinga mo. Tongaso si fade mo yeke baa mbi na nzoni le. Ayeke nzoni mo hinga, mo tene, mara so ayeke azo ti mo.”

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Jérémie 28:16

Nilaa, tënë so KOTA GBIA atene ayeke so: ‘Mbi yeke zi mo na ndö ti sese; mo yeke kui gi na ngu so, ngbanga ti so mo pusu azo ti ke KOTA GBIA.’ ”

Ezekiel 20:14

Mbi sara ye ni ti bata nengo ti mbi si iri ti mbi abuba pepe na le ti amara nde so abaa mbi na ngoi so mbi sara si azo ti Israel asigigi na sese ti Ezipte.

Ezekiel 20:22

Me mbi kiri na maboko ti mbi; mbi sara ye ni ti bata nengo ti mbi si iri ti mbi abuba pepe na le ti amara nde so lani abaa mbi na ngoi so mbi sara si akotara ti ala asigigi na Ezipte so.

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Joël 2:17

Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Amos 7:3

*KOTA GBIA azia lege ti ye so lo ye ti sara so si lo tene: “Ye ni so ayeke si ande pepe.”

Amos 7:6

*KOTA GBIA azia lege ti ye so lo ye ti sara so si lo tene: “Ye ni so nga ayeke si ande pepe.”

Jonas 3:9

E hinga pepe, fade Nzapa ayeke zia lege ti ye so lo leke na be ti lo ti sara; e hinga pepe, fade ngonzo so agbu lo mingi so akai si e kui pepe.”

Zakarii 8:14

Tënë so KOTA GBIA so ayeke na ndö ti dunia kue atene ayeke so: “Ando, mbi leke na be ti mbi ti sara pasi na ala, ngbanga ti so akotara ti ala azia ngonzo na be ti mbi; mbi de ti zia peko ti tënë ni pepe.

Wungo ti azo 14:19

KOTA GBIA, ndali ti nzoni be ti mo, zi siokpari ti azo so na li ti ala tongana ti so mo sara, ti to ndani na Ezipte ngbii asi na ndo so.”

Wungo ti azo 16:21

“Ala londo na popo ti azo ni ahon, mbi yeke hunzi ala kue fafadeso.”

Ndia ti fani use ni 13:17

ala yeke bongbi amosoro ni kue na ndo so azo ayeke bongbi daa na be ti gbata ni, ala yeke gbi amosoro ni nga na gbata ni na wâ. Fade ayeke ga tongana *sandaga so a yeke gbi kue na wâ ndali ti KOTA GBIA Nzapa ti ala. Gbata ni so ayeke ngba ndo ti gba ti atêne kpu na kpu; a yeke kiri ti leke ni laoko pepe.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

Ndia ti fani use ni 9:28

Tongana mo fâ azo ti mo kue, fade azo ti kodro so mo sara si e sigigi na ya ni so ayeke tene: ‘KOTA GBIA alingbi lani pepe ti sara si azo ti lo ali na sese so lo mu lani zendo ni na ala’, wala ala tene: ‘Lo ye ala pepe; lo sara si ala sigigi gi titene ala kui na ya ti benyama.’

Josué 7:26

Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.