Sigingo 32:11 - Mbeti ti Nzapa - Tënë so amu fini

¹¹ Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 32:11 Iomraidhean Croise

Tongo nda ti aye 18:27

Abraham akiri amu tënë si lo tene: “Kota Gbia, mbi so mbi yeke gi fuku ti sese si mbi yeke mburu ti wâ so, mbi ye ti kanga be ti mbi ti kiri ti tene tënë na mo.

1 Agbia 8:51

Biani, ala yeke azo ti mo, ala ga azo ti mo awe, ala so mo sara si ala sigigi na Ezipte, kodro so ala baa ando pasi daa ahon ndoni so.

Néhémie 1:10

KOTA GBIA, e yeke azo ti kua ti mo, e yeke azo ti mo! E laa mo zi e na gbe ti ngbaa na lege ti kota ngangu ti mo nga na lege ti ngangu ti maboko ti mo.

Abia (Psaumes) 106:23

Nilaa Nzapa atene, fade lo yeke fâ ala ti hunzi ala, me Moïse, zo so lo soro lo, aluti na le ti Nzapa ti sara si ngonzo ti lo akai si lo fâ ala pepe.

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 8:8

Moïse na Aaron alondo na ndo ti Faraon asigigi. Moïse atoto na KOTA GBIA ndali ti akongba so lo tokua ala na tere ti Faraon so.

Ésaïe 63:17

KOTA GBIA, mo zia e, e tambula kirikiri yongoro na lege ti mo ngbanga ti nyen? Mo sara si be ti e akpengba si e ke ti kpe mbeto ti mo ngbanga ti nyen? Ndali ti e, azo ti kua ti mo, amara so aga azo ti mo, kiri, mo ga!

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Abia ti demango tere 2:20

KOTA GBIA, mo baa nga maa! Azo ti mo laa mo sara na ala tongaso? Mo baa, awali so adu amolenge si abata ala so, ala kiri ti te amolenge ni tongana nyen so-oo? Azo ague ngbii ti fâ awayango-sandaga na awayanga-Nzapa taa na ya ti kota da ti mo biani?

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Daniel 9:15

“Kota Gbia Nzapa ti e, na lege ti ngangu ti maboko ti mo, mo sara si azo ti mo asigigi na sese ti Ezipte; nilaa iri ti mo awu ngbii asi laso. Me e ke yanga ti mo, e sara siokpari.

Joël 2:17

Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Wungo ti azo 11:11

Moïse atene na KOTA GBIA: “Mo sara sioni na mbi, zo ti kua ti mo, ngbanga ti nyen? Mo ke ti sara nzoni be na mbi si mo zia kungba ti azo so kue na ndö ti mbi ngbanga ti nyen?

Wungo ti azo 14:13

Moïse akiri tënë na KOTA GBIA, atene: “Azo ti Ezipte ahinga atene, mo laa, na lege ti ngangu ti mo, mo sara si azo so asigigi na kodro ti Ezipte.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Wungo ti azo 21:7

Tanga ti azo ti Israel ague, awara Moïse si atene na lo: “E sara siokpari, e kasa KOTA GBIA, e kasa nga mo! Toto na KOTA GBIA titene lo zi angbo so yongoro na tere ti e.” Moïse atoto na KOTA GBIA ndali ti azo ti Israel.

Wungo ti azo 27:4

Fade iri ti babâ ti e ayeke girisa na ya ti kete mara ti lo, ngbanga ti so lo du molenge-koli pepe? Mu na e mbeni mbage ti sese ti lo titene aga ti e tongana ti so a-ita ti babâ ti e awara nga ti ala so.”

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.