Sigingo 32:1 - Mbeti ti Nzapa - Tënë so amu fini

¹ So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 32:1 Iomraidhean Croise

Tongo nda ti aye 19:14

Lot asigigi, atene na akogara ti lo so aye ti mu amolenge ti lo ti wali so, atene: “Ala londo na gbata so, ala sigigi, ngbanga ti so KOTA GBIA ayeke buba gbata ni.” Me akogara ti lo abaa ti ala atene, so tënë ti ngia laa.

Tongo nda ti aye 21:26

Abimelek akiri tënë na lo, atene: “Mbi hinga zo so asara ye so pepe. Mo tene nga na mbi tënë ni kozoni pepe. Ti mbi, mango tënë ni laa mbi ma laso so.”

Tongo nda ti aye 39:8

Me Joseph ake si lo tene na wali ti wa ti lo, lo tene: “Baa, wa ti mbi ayeke hunda na mbi ti fa na lo peko ti aye ti da ti lo pepe. Lo zia aye ti lo kue na maboko ti mbi.

Tongo nda ti aye 44:15

Joseph atene na ala, atene: “So sarango ye ti nyen laa ala sara so? Ala hinga atene zo tongana mbi so, mbi yeke gi nda ti aye so ayeke na hondengo ni pepe?”

Tongo nda ti aye 44:4

So ala sigigi na ya ti gbata ni ti gue si ala de ti hon yongoro pepe, Joseph atene na koli so ayeke baa lege ti aye ti da ti lo so, atene: “Londo mo kpe na peko ti azo so. Tongana mo wara ala, mo hunda ala, mo tene: ‘Ngbanga ti nyen si ala sara sioni na zo so asara nzoni na ala so?

Abia (Psaumes) 106:19

Na hoto ti Horeb, ala leke kete bagara, ala kuku ti voro yanda so ala sara na wen.

Sigingo 13:21

KOTA GBIA wani laa ayeke tambula na dawa ti ala. Na kota lâ, lo yeke na ya ti ngbongboro mbinda ti fa lege na ala. Na bi, lo yeke na ya ti ngbongboro wâ ti za na tere ti ala. Tongaso ala lingbi ti tambula na kota lâ nga na bi.

Sigingo 14:11

Ala tene na Moïse, atene: “Du ti kuâ ayeke na Ezipte pepe si mo ga na e titene e kui na benyama so? Mo zi e na Ezipte, mo sigigi na e ngbanga ti nyen?

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Sigingo 20:23

Alingbi ala mu wen ti nginza wala lôro, ala leke na ambeni nzapa nde ti zia na tere ti mbi pepe; ala sara ambeni nzapa nde ndali ti ala wani pepe.

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 24:18

Moïse ali na ya ti mbinda ni si lo ma na li ti hoto ni. Lo ngba kâ lango baleosio na bi baleosio.

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 32:22

Aaron akiri tënë: “Mbi gbu gere ti mo, mo sara ngonzo pepe. Mo wani, mo hinga so azo so ayeke ninga pepe ti sara sioni.

Sigingo 32:23

Ala tene na mbi, atene: ‘Mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.’

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Sigingo 33:3

Ala gue na *kodro so ngu ti me ti bagara na mafuta ti wotoro asi singo daa. Ti mbi, mbi yeke gue na ala pepe, ngbanga ti so ala yeke azo ti ngangu li. Tongana mbi gue na ala, fade mbi yeke fâ ala kue na lege ti hunzi ala.”

Ezekiel 20:8

“Me akotara ti ala ni atomboka na tere ti mbi, ala ye ti ma mbi pepe. Afungo yanda so ayeke gboto ala, zo oko abi ni yongoro pepe; zo oko azia ayanda ti Ezipte pepe. Tongaso mbi tene na be ti mbi: Fade mbi yeke tuku ngonzo ti mbi ti wâ na ndö ti ala taa na Ezipte; mbi yeke tuku ngonzo ni na ndö ti ala ngbii be ti mbi ade si.

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Matthieu 24:43

Ala ma tënë so nzoni: tongana wa ti da ahinga ngbonga so zo ti nzi ayeke ga na ni na bi, ka lo yeke lango pepe. Lo yeke duti ti baa ndo si zo ti nzi ni akungbi yanga ti da ti lo pepe ti li na ya ni.

Matthieu 24:48

Me tongana zo ti kua ni ayeke sioni zo si lo tene na be ti lo, lo tene: ‘Makonzi ti mbi ayeke ga hio pepe’

Awatokua 17:29

So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

Awatokua 7:40

Tongaso ala tene na Aaron: ‘Sara na e ambeni nzapa titene ala fa lege na e. Biani, Moïse so amu e na Ezipte, asigigi na e so, e hinga ye so asi na lo pepe.’

Ndia ti fani use ni 31:8

KOTA GBIA wani laa ayeke mu li ti tambula ni na mo, lo wani lo yeke na mo. Lo yeke do mo ti zia mo pepe, lo yeke zia mo oko pepe. Tongaso, alingbi mo sara mbeto pepe, mo sara si be ti mo awoko pepe.”

Ndia ti fani use ni 9:1

Moïse atene: Azo ti Israel, ala ma! Fadeso ala ga nduru ti fâ ngu ti Jourdain awe. Ala yeke gue ti tumba azo ti amara nde so awu mingi si ala yeke ngangu mingi ahon ala. Ala yeke gue ti mu akota gbata ti amara ni so angangu gbagba ayeke na tere ni si ayo ngbii akpo le ti nduzu.

Ndia ti fani use ni 9:9

Mbi gue na li ti hoto ni ti mu akpangbara têne so a su atënë ti *mbuki na le ni, mbuki so KOTA GBIA asara lani na ala so. Mbi ngba na li ti hoto ni lango baleosio na bi baleosio; mbi te kobe pepe, mbi nyon ngu pepe.

Josué 7:13

Londo, mo leke azo ni titene ala zia tere ti ala nde ndali ti Nzapa. Fade mo tene na ala: ‘Ala zia tere ti ala nde ndali ti Nzapa ti ku na lango ti kekereke. Biani, tënë so KOTA GBIA, Nzapa ti Israel atene ayeke so: Aye so mbi ke na ala ti mu so ayeke na popo ti ala. Ala lingbi ti gbu le ni na awato ti ala pepe, ngbii ala zi aye ni na popo ti ala si.

2 Pierre 3:4

atene: “Jésus amu ando zendo atene, ni yeke ga; ka lo yeke na ndo wa? Akotara ti e akui aninga awe, ala zia mê ti e! Ti londo na ngoi so dunia abaa gigi, nyen laa asanze, nyen?”