Sigingo 30:8 - Mbeti ti Nzapa - Tënë so amu fini

⁸ Lakue na lakui, lo yeke zö dukani na ndö ti gbalaka ni, na ndembe so lo yeke gue ti zia wâ na ya ti alamba. Fade ala yeke ngba ti zö dukani ni na dawa ti mbi KOTA GBIA ngu na ngu, kpu na kpu.

Sigingo 30:8 Iomraidhean Croise

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Sigingo 12:6

Ala yeke bata nyama ni ngbii asi na lango baleoko na osio ti nze ni. Na lakui ti lango ni so, bongbi ti azo ti Israel kue ayeke fâ go ti nyama ni.

Sigingo 25:37

Fade ala yeke sara lamba mbarambara; ala yeke zia ni na ndö ti gere ti alamba ni titene alamba ni aza wâ na tere ti gere ti alamba ni.

Sigingo 27:21

Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 30:7

Lakue na ndaperere, fade Aaron ayeke zö dukani so afun nzoni na ndö ti gbalaka ni, na ndembe so lo yeke gue ti leke alamba ti ndo so ayeke nde si ayeke nzoni kue so.

Sigingo 30:9

Fade ala yeke zö dukani nde na ndö ti gbalaka ni pepe, wala *sandaga so a yeke gbi ni kue na wâ, wala sandaga ti farini; ala yeke tuku sandaga ti samba na ndö ni pepe.

Rome 8:34

Zo wa laa alingbi ti fâ ngbanga na li ti ala? Zo oko pepe, ngbanga ti so Jésus Christ akui awe si na pekoni, lo zingo na kuâ, lo yeke duti na tere ti Nzapa, na mbage ti maboko ti lo ti koli si lo yeke sambela ndali ti e.

1 Tesalonike 5:17

ala ngba ti sambela lakue,

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

1 Samuel 2:28

Na popo ti amara ti Israel kue, mbi soro kotara ti mo Aaron nga na *ahale ti lo titene ala ga awayango-sandaga ti mbi. Nilaa, lo yeke sara kua ti mungo *sandaga na ti zongo dukani na ndö ti gbalaka ti mbi; ala yeke baa mbi ndali ti ambeni ye. Asandaga so kue azo ti Israel aga na ni, mbi mu mbage ni na ala.