Sigingo 30:6 - Mbeti ti Nzapa - Tënë so amu fini

⁶ Ala yeke zia gbalaka ni na dawa ti ridoo so ahonde sanduku so a zia na ya ni atêne so a su atënë ti mbuki na le ni; so ti tene ridoo so ayeke na dawa ti ye ti kangango na yanga ti sanduku ni. Na ndo so laa, Moïse, mbi na mo, e yeke wara tere.

Sigingo 30:6 Iomraidhean Croise

1 Mbai 23:13

Amolenge ti Amram ayeke Aaron na Moïse. A zia Aaron nde, lo na *ahale ti lo titene ala sara kua na ndo so ayeke nde si ayeke nzoni kue ahon atanga ni kpu na kpu. Kua ti ala ayeke ti zö dukani na dawa ti KOTA GBIA, ti sara kua ti Nzapa na ti sara tufa na ndö ti azo na iri ti KOTA GBIA kpu na kpu.

1 Mbai 28:11

David amu na molenge ti lo Salomon mbeti so afa kode ti sarango na da ti Nzapa, akubu ti ada so ayeke na tere ni, akubu so a yeke bata amosoro daa, akubu so a leke ni na nduzu, akubu so ayeke na be ti da ni nga na kubu so a yeke zia sanduku ti *mbuki daa.

Sigingo 30:36

Mo yeke nika mbage ti yombo ni titene aga fuku, mo yeke tuku ni na dawa ti sanduku so a zia na ya ni atêne so a su atënë ti mbuki na le ni si ayeke na ya ti da ti bongo so mbi na azo ti mbi e yeke wara tere daa. Na ndo so laa mbi na mo, e yeke wara tere. Ti ala, ala lingbi ti baa yombo ni tongana ye so ayeke nde si ayeke nzoni kue ahon atanga ni.

Sigingo 30:5

Ala yeke mu keke ti akasia si ala sara na ayongoro keke ni; ala yeke zia lôro na tere ni kue.

Sigingo 30:7

Lakue na ndaperere, fade Aaron ayeke zö dukani so afun nzoni na ndö ti gbalaka ni, na ndembe so lo yeke gue ti leke alamba ti ndo so ayeke nde si ayeke nzoni kue so.

Sigingo 40:26

Gbalaka so a sara na lôro so, lo zia ni na ya ti da ti bongo so Nzapa na azo ti lo ayeke tere daa. Lo zia ni abaa ndo le na le na ridoo ni.

Sigingo 40:3

Mo yeke zia na ya ti da ni sanduku so a zia na ya ni atêne so a su atënë ti mbuki na le ni; mo yeke honde ni na peko ti ridoo so akangbi ya ti da ni.

Sigingo 40:5

Gbalaka so a sara na lôro titene a zö dukani na ndö ni so, mo yeke zia ni na dawa ti sanduku ti mbuki ni. Mo yeke kanga ridoo na yanga ti da ni.

Awayango-sandaga 16:13

Kâ, na dawa ti KOTA GBIA, lo yeke zia yombo ni na le ti wâ titene guru ni amu ndö ti ye ti kangango na yanga ti sanduku ti mbuki, sanduku so a zia na ya ni atêne so a su atënë ti mbuki na le ni. Tongana lo sara tongaso, fade lo yeke kui pepe.

Wungo ti azo 17:4

Wayango-sandaga Elazar amu akete ta ti bengba wen ti zongo na dukani ti azo so wâ agbi ala so, a pika ni titene a leke na akpangbara le ti wen ti kanga na ndö ti gbalaka.

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.