Sigingo 3:9 - Mbeti ti Nzapa - Tënë so amu fini

⁹ Fadeso, toto ti azo ti Israel ague na nduzu ngbii asi na mbi awe; mbi baa nga lege so azo ti Ezipte ayeke sara pasi na ala.

Sigingo 3:9 Iomraidhean Croise

Tongo nda ti aye 16:11

Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe

Tongo nda ti aye 31:12

Lo kiri lo tene: ‘Yo le ti mo na nduzu, mo baa ye! Akoli-nyama so ayeke bongbi na amama ni so, ala kue ayeke na ayongoro nzoroko, akota nzoroko na akete nzoroko na tere ti ala, ngbanga ti so mbi baa ye so Laban asara na mo.

2 Agbia 13:4

Me Yoakaz avoro tere ti lo na KOTA GBIA titene lo kai ngonzo ti lo ni; nilaa KOTA GBIA ama lo, ngbanga ti so lo baa lege so gbia ti Sirii ayeke sara ngangu na azo ti Israel.

2 Agbia 20:5

“Kiri, mo tene na Ezekias, makonzi ti azo ti mbi, mo tene: Tënë so KOTA GBIA, Nzapa ti David, kotara ti mo atene ayeke so: ‘Mbi ma sambela ti mo awe, mbi baa ngu ti le ti mo awe. Baa, mbi yeke kai kobela ti mo. Na peko ti lango ota, mo yeke kiri ti gue na ya ti kota da ti KOTA GBIA.

Néhémie 9:9

Pasi so akotara ti e abaa lani na Ezipte, mo baa ni kue; mo ma toto ti ala na yanga ti kota ngu-ingo ti Asosongo.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 9:14

KOTA GBIA, baa mawa ti mbi! Baa pasi so azo ti kengo mbi asara na mbi, mo so mo yeke zi mbi na yanga ti kuâ.

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Sigingo 1:8

Mbeni fini gbia so ahinga Joseph pepe ato nda ti le-gbia na ndö ti kodro ti Ezipte.

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Sigingo 2:25

Nzapa abaa azo ti Israel si tënë ti ala agbu be ti lo.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Ndia ti fani use ni 26:7

Tongaso e dekongo na KOTA GBIA Nzapa ti akotara ti e. Lo ma dekongo ti e; lo baa lege so azo ti Ezipte ayeke sara sana na e, lege so e yeke na ya ti vundu nga na ya ti pasi.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”