Sigingo 3:22 - Mbeti ti Nzapa - Tënë so amu fini

²² Wali oko oko ti Israel ayeke hunda na awali ti Ezipte so ayeke nduru na lo nga na awali so ayeke lango na da ti lo aye ti pendere so a sara na lôro nga na wen ti nginza; lo yeke hunda nga abongo. Fade amolenge ti ala, azo ti Israel, ala ti koli na ti wali laa ayeke yo ni. Lege so ala yeke zi amosoro kue ti azo ti Ezipte na maboko ti ala laa.”

Sigingo 3:22 Iomraidhean Croise

Tongo nda ti aye 15:14

Fade mbi yeke fâ ngbanga na li ti azo ti mara so ayeke sara ahale ti mo na ngbaa so; na pekoni, ahale ti mo ayeke sigigi na gbe ti ngbaa ni na aye mingi na maboko ti ala.

Tongo nda ti aye 24:53

Zo ti kua ni asigigi na apendere ye so a sara ni na lôro, na wen ti nginza, lo sigigi nga na abongo si lo mu na Rébecca. Lo mu nga aye ti ngangu ngere na ita ti Rébecca nga na mama ti lo.

Abia (Psaumes) 105:37

Lo sara si azo ti lo asigigi na ya ti kodro ni na gba ti wen ti nginza na lôro, zo oko na popo ti amara ti lo awoko na lege pepe.

Sigingo 11:2

Tongaso, tene na azo ti Israel kue, mo tene: ‘Ayeke nzoni koli oko oko na wali oko oko ahunda na mba ti lo aye so a sara na wen ti nginza nga na lôro.’ ”

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ezekiel 39:10

Azo ayeke kiri ti gue ti ro akeke ti wâ na yaka pepe, wala ala yeke kiri ti fâ akeke na ya ti gbako pepe. Biani, ala yeke sara wâ gi na aye ti bira so. Ala yeke nzi ye ti azo so lani anzi ala, ala yeke gbu aye ti azo so lani agbu aye ti ala. So tënë ti yanga ti Kota Gbia NZAPA laa.