Sigingo 3:21 - Mbeti ti Nzapa - Tënë so amu fini

²¹ Fade mbi yeke sara titene azo ti Ezipte abaa ala na nzoni le si na guengo ti ala, azo ti Israel, ala yeke gue maboko senge pepe.

Sigingo 3:21 Iomraidhean Croise

Tongo nda ti aye 15:14

Fade mbi yeke fâ ngbanga na li ti azo ti mara so ayeke sara ahale ti mo na ngbaa so; na pekoni, ahale ti mo ayeke sigigi na gbe ti ngbaa ni na aye mingi na maboko ti ala.

Tongo nda ti aye 39:21

*KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le.

1 Agbia 8:50

Siokpari so ala sara ti ke mo, mo zi tënë ni na li ti ala. Asioni so kue ala sara ti ke mo, mo zi tënë ni na li ti ala; mo zia lege na azo so agbu azo ti mo si ague na ala na kodro wande titene ala baa mawa ti azo ti mo.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Abia (Psaumes) 105:37

Lo sara si azo ti lo asigigi na ya ti kodro ni na gba ti wen ti nginza na lôro, zo oko na popo ti amara ti lo awoko na lege pepe.

Abia (Psaumes) 106:46

Lo sara si azo so agbu ala si ague na ala na kodro wande, azo ni akiri abaa mawa ti ala.

Sigingo 11:2

Tongaso, tene na azo ti Israel kue, mo tene: ‘Ayeke nzoni koli oko oko na wali oko oko ahunda na mba ti lo aye so a sara na wen ti nginza nga na lôro.’ ”

Sigingo 11:3

KOTA GBIA asara si azo ti Ezipte abaa azo ti Israel na nzoni le. Na ndö ni kue, na sese ti Ezipte, azo ti gbe ti Faraon nga na azo ti kodro ni abaa Moïse tongana kota zo mingi.

Sigingo 12:35

Azo ti Israel asara ye ni alingbi na tënë ti Moïse: ala hunda na azo ti Ezipte aye so a sara na wen ti nginza na lôro; ala hunda nga abongo.

Sigingo 12:36

KOTA GBIA asara si azo ti Ezipte abaa azo ti Israel na nzoni le. Nilaa ala mu na azo ti Israel aye so kue ala hunda. Lege so azo ti Israel amu aye na tere ti azo ti Ezipte kue ahon na ni laa.

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Awatokua 7:10

Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.

Ndia ti fani use ni 15:13

Me tongana ala zi lo, ala zia lo titene lo gue maboko ti lo senge pepe.