Sigingo 3:2 - Mbeti ti Nzapa - Tënë so amu fini

² *Ange ti KOTA GBIA asi na lo na ya ti menga ti wâ, na ya ti mbeni kete keke ti ki. Moïse abaa ndo si lo baa so ya ti keke ni kue gi wâ, me wâ ni agbi keke ni pepe.

Sigingo 3:2 Iomraidhean Croise

Tongo nda ti aye 21:17

Nzapa ama toto ti molenge ni si na nduzu kâ, *ange ti Nzapa airi Agar, atene: “Agar, nyen laa asara mo, nyen? Sara mbeto pepe, ngbanga ti so Nzapa ama toto ti molenge ni na ndo so molenge ni ayeke daa so.

Tongo nda ti aye 22:11

Me na nduzu kâ, *ange ti KOTA GBIA airi Abraham, atene: “Abraham! Abraham!” Abraham ayeda, atene: “Mbi laa!”

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

Abia (Psaumes) 66:12

Mo yeda si azo ti kpengo na mbarata atambula na ndö ti li ti e. E hon na ya ti wâ, e hon na ya ti ngu, me mo zi e na ya ni ti mu na e kodro so gba ti aye asi singo daa.

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Sigingo 23:20

“Fade mbi yeke tokua mbeni *ange na dawa ti ala ti bata ala na lege; lo yeke sara si ala si na ndo so mbi leke ndali ti ala.

Sigingo 24:17

Azo ti Israel abaa gonda ti KOTA GBIA tongana mbeni wâ so ayeke gbi ye kue na li ti hoto ni.

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Daniel 3:27

Amakonzi, akota komanda, agovoronere na awamungo-wango ti gbia abongbi gbani gbani ti baa akoli ota so; ala baa tere ti ala kpoo: wâ ni andu mbeni ye ti tere ti ala oko pepe, kua ti li ti ala agbi pepe, abongo ti ala agbi nga pepe, tere ti ala afun guru pepe.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Marc 12:26

Âdu ti tënë ti zingongo ti akuâ, ala asadusien, ala diko tënë ni na ya ti buku so Moïse asu so pepe? So lani lo ma go ti Nzapa na ya ti kete keke ti ki, atene: ‘Mbi yeke Nzapa ti Abraham, Nzapa ti Isaac na Nzapa ti Jacob!’

Nzoni Tënë so Luc asu na mbeti 20:37

Moïse wani afa ando polele atene, fade akuâ ayeke zingo. Biani, na ndo so lo tene tënë ti kete keke ti ki daa, lo iri Kota Gbia, atene: ‘Nzapa ti Abraham, Nzapa ti Isaac, Nzapa ti Jacob.’ ”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

Ndia ti fani use ni 33:16

Ayeke nzoni amosoro ti kodro so anzoni ye asi singo daa nga na nzoni be ti Nzapa so aduti na ya ti kete keke aga na ndö ti azo ti mara ti Joseph, na ndö ti lo so lo yeke lani makonzi ti a-ita ti lo.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Awafango-ngbanga 13:13

Ange ti KOTA GBIA akiri tënë na Manoa: “Aye so kue mbi hunda na wali so ti ke ni, alingbi lo ke ni.