Sigingo 3:18 - Mbeti ti Nzapa - Tënë so amu fini

¹⁸ “Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 3:18 Iomraidhean Croise

Tongo nda ti aye 12:1

KOTA GBIA atene na Abram: “Londo, mo zia kodro ti mo, sewa ti mo, na da ti babâ ti mo; mo gue na kodro so fade mbi yeke fa na mo.

Tongo nda ti aye 14:13

Mbeni zo akpe na maboko ti azo ni si lo ga lo tene tënë ni na Abram, zo ti mara ti Hebro so ayeke duti na ndo so akeke ti shene ti Mamre ayeke daa. Mamre ayeke zo ti mara ti Amori. Lo yeke ita ti Eshekol na Aner. Ala na Abram ayeke *ambuki.

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 48:3

Lo tene na Joseph: “Nzapa so ngangu ti lo ahon angangu kue, asi ando na mbi na gbata ti Luz, na sese ti Kanaan si lo sara tufa na ndö ti mbi.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 17:5

KOTA GBIA atene na Moïse: “Mo hon na dawa ti azo ni. Mo mu ambeni *kangba ti Israel na tere ti mo. Keke so lani mo pika na kota ngu ti Nil so, mo mu ni na maboko ti mo, mo gue.

Sigingo 19:1

Na kozo lango ti ota nze ni, na peko ti so azo ti Israel asigigi na Ezipte awe, ala si na benyama ti Sinai.

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Sigingo 30:36

Mo yeke nika mbage ti yombo ni titene aga fuku, mo yeke tuku ni na dawa ti sanduku so a zia na ya ni atêne so a su atënë ti mbuki na le ni si ayeke na ya ti da ti bongo so mbi na azo ti mbi e yeke wara tere daa. Na ndo so laa mbi na mo, e yeke wara tere. Ti ala, ala lingbi ti baa yombo ni tongana ye so ayeke nde si ayeke nzoni kue ahon atanga ni.

Sigingo 30:6

Ala yeke zia gbalaka ni na dawa ti ridoo so ahonde sanduku so a zia na ya ni atêne so a su atënë ti mbuki na le ni; so ti tene ridoo so ayeke na dawa ti ye ti kangango na yanga ti sanduku ni. Na ndo so laa, Moïse, mbi na mo, e yeke wara tere.

Sigingo 4:1

Moïse akiri tënë na *KOTA GBIA: “Mbi hinga ape! Fade azo ti Israel ayeke yeda na tënë ti mbi pepe, ala yeke ma nga yanga ti mbi pepe; me fade ala yeke tene: ‘KOTA GBIA asi na mo pepe!’ ”

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Sigingo 4:24

So lo yeke na lege ti guengo ni, na bi, na ndo so lo luti daa ti wu tere ti lo, KOTA GBIA aga nduru na lo si agi lege ti fâ lo.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Sigingo 5:1

Na pekoni, Moïse na Aaron ague, awara gbia Faraon si ala tene na lo: “Tënë so KOTA GBIA, Nzapa ti Israel atene ayeke so: ‘Zia azo ti mbi ague na benyama si ala sara matanga kâ ti gonda na mbi.’ ”

Sigingo 5:3

Moïse na Aaron atene: “Nzapa ti ahebro asi na e. Zia lege na e titene e tambula na ya ti lango ota, e gue na benyama ti mu *sandaga na KOTA GBIA, Nzapa ti e. Tongaso pepe, fade lo yeke fâ e na lege ti sioni kobela ti bubango kodro wala na lege ti bira.”

Sigingo 7:16

Mo tene na Faraon, mo tene: ‘KOTA GBIA, Nzapa ti ahebro atokua mbi ti tene na mo, atene: Zia lege na azo ti mbi titene ala gue, avoro mbi na benyama.’ Me mo ye ti ma pepe ngbii asi laso.

Sigingo 8:1

KOTA GBIA atene na Moïse: “Tene na Aaron, mo tene: ‘Yoro maboko ti mo nga na keke ti mo na ndö ti *abale, na ndö ti angu so ayeke sua na ya ti adu nga na ndö ti angu ti *alende; mo sara si akongba asigigi amu ya ti Ezipte kue.’ ”

Sigingo 8:20

KOTA GBIA asara ye ni tongaso: gba ti asioni vuma ali na ya ti yangbo ti gbia Faraon, na ya ti ada ti azo ti gbe ti lo na ti azo ti kodro ti Ezipte kue. Asioni vuma ni abuba kodro ni kue.

Sigingo 8:23

Fade e yeke tambula na ya ti lango ota ti gue na benyama; kâ, e yeke ya na KOTA GBIA, Nzapa ti e asandaga so lo yeke fa ni na e.”

Sigingo 9:1

KOTA GBIA atene na Moïse: “Gue na ndo ti Faraon si mo tene na lo, mo tene: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Sigingo 9:13

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon. Fade mo tene na lo: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 2:6

Ala hunda tere ti ala pepe, atene: ‘KOTA GBIA ayeke na ndo wa? Lo so asara si e sigigi na kodro ti Ezipte si lo fa lege na e na ya ti benyama so? Benyama ni ayeke gi ndo ti gba ti mbutu na adu; ndo so ahole kasakasa, ndo so avuko pitipiti, ndo so zo ayeke hon daa pepe, ndo so zo ayeke lango daa pepe.’

Jérémie 26:5

Ala ma tënë ti azo ti kua ti mbi, awayanga-Nzapa! Mbi mu ngoi ti mbi kue ti tokua na ala awayanga-Nzapa, me ala ma ala pepe.

Wungo ti azo 17:4

Wayango-sandaga Elazar amu akete ta ti bengba wen ti zongo na dukani ti azo so wâ agbi ala so, a pika ni titene a leke na akpangbara le ti wen ti kanga na ndö ti gbalaka.

Josué 1:17

E yeke ma yanga ti mo na ya ti ye kue tongana ti so e ma lani yanga ti Moïse so. Biani, fade KOTA GBIA, Nzapa ti mo ayeke na mo tongana ti so lo yeke lani na Moïse so.