Sigingo 3:16 - Mbeti ti Nzapa - Tënë so amu fini

¹⁶ Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Sigingo 3:16 Iomraidhean Croise

Tongo nda ti aye 1:7

Ye ni asi tongana ti so lo tene. Nzapa asara mbeni ye so akangbi popo ti angu ti nduzu na angu ti sese.

Tongo nda ti aye 21:1

KOTA GBIA aga ti sara nzoni na Sara alingbi na tënë so lo tene. Lo sara ye na Sara alingbi na zendo so lo mu ando.

Tongo nda ti aye 28:13

KOTA GBIA ayeke luti nduru na Jacob si atene na lo: “Mbi yeke KOTA GBIA, Nzapa ti babâ ti mo Abraham na Nzapa ti Isaac. Sese so mo yeke lango daa so, fade mbi yeke mu na mo, na *ahale ti mo.

Tongo nda ti aye 48:15

Na pekoni, lo sara tufa na ndö ti Joseph, lo tene: “Ayeke nzoni Nzapa so ababâ ti mbi Abraham na Isaac atambula na lege ti lo so, lo so lo to nda ti batango mbi na molenge ngbii asi laso so,

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

Abia (Psaumes) 102:21

ti ma demango tere ti azo ti kanga, ti zi azo so a fâ ngbanga ti kuâ na li ti ala.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 8:4

Tongana mbi baa le ti nduzu, ye so maboko ti mo asara, tongana mbi baa nze na atongoro so mo zia ala kâ, mbi hunda tere ti mbi, mbi tene:

Sigingo 1:8

Mbeni fini gbia so ahinga Joseph pepe ato nda ti le-gbia na ndö ti kodro ti Ezipte.

Sigingo 13:19

Moïse amu abio ti Joseph ague na ni, ngbanga ti so Joseph ahunda ando na azo ti Israel atene: “Gba fade Nzapa ayeke ga ti mu maboko na ala; ala deba yanga ti ala ti mu abio ti mbi ti gue na ni.”

Sigingo 15:14

Amara so angoro ala ama tënë ni, tere ti ala ado na mbeto. Kota mbeto agbu azo ti Filistii.

Sigingo 17:5

KOTA GBIA atene na Moïse: “Mo hon na dawa ti azo ni. Mo mu ambeni *kangba ti Israel na tere ti mo. Keke so lani mo pika na kota ngu ti Nil so, mo mu ni na maboko ti mo, mo gue.

Sigingo 18:12

Na pekoni, Zetro, kogara ti Moïse aya *sandaga so a yeke gbi ni kue na wâ nga na asandaga nde nde na Nzapa. Tongaso Aaron na *akangba ti Israel kue aga ti te kobe na kogara ti Moïse na dawa ti Nzapa.

Sigingo 2:25

Nzapa abaa azo ti Israel si tënë ti ala agbu be ti lo.

Sigingo 24:11

Nzapa asara sioni na akota zo ti Israel so pepe. Ala baa lo, na pekoni, ala te, ala nyon.

Sigingo 3:2

*Ange ti KOTA GBIA asi na lo na ya ti menga ti wâ, na ya ti mbeni kete keke ti ki. Moïse abaa ndo si lo baa so ya ti keke ni kue gi wâ, me wâ ni agbi keke ni pepe.

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Sigingo 4:1

Moïse akiri tënë na *KOTA GBIA: “Mbi hinga ape! Fade azo ti Israel ayeke yeda na tënë ti mbi pepe, ala yeke ma nga yanga ti mbi pepe; me fade ala yeke tene: ‘KOTA GBIA asi na mo pepe!’ ”

Sigingo 4:29

Moïse na Aaron ague, abongbi *akangba ti Israel kue.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Sigingo 4:5

KOTA GBIA atene: “So laa ayeke fa biani na azo ti Israel atene, mbi KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob, mbi si na mo.”

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Nzoni Tënë so Luc asu na mbeti 1:68

“E gonda *Kota Gbia, Nzapa ti Israel, ngbanga ti so lo ga ti baa azo ti lo, ti zi ala na gbe ti ngbaa.

Nzoni Tënë so Luc asu na mbeti 19:44

Awato ti mo ni ayeke nika mo na azo ti mo kue; mbeni têne oko ayeke ngba na ndö ti mba ti lo pepe, ngbanga ti so lango so Nzapa aga ti baa mo asi awe, me mo hinga ni pepe!”

Awatokua 11:30

Ala bongbi aye ni si ala tokua ni na *akangba ti Judée, na maboko ti Barnabas na Saul.

Awatokua 15:14

Simon afa na e fafadeso lege so Nzapa aleke na be ti lo kozoni ti soro ambeni zo na popo ti amara nde ti ga azo ti lo.

Awatokua 20:17

Na Mile, Paul atokua na Efeze ti iri *akangba ti *Eglize ni ti ga.

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

Ruth 1:6

Kâ na sese ti Moab, Noemi ama a tene, *KOTA GBIA aga ti sara nzoni na azo ti lo si ala wara kobe ti tengo ni. Tongaso, Noemi na awali ti amolenge ti lo aleke tere ti ala ti zia sese ti Moab, ti kiri na sese ti Juda.