Sigingo 3:15 - Mbeti ti Nzapa - Tënë so amu fini

¹⁵ Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

Sigingo 3:15 Iomraidhean Croise

Tongo nda ti aye 24:12

Lo sambela Nzapa, lo tene: “KOTA GBIA, Nzapa ti wa ti mbi Abraham, sara si laso mbi wara ye so mbi ga ti gi ni so. Sara nzoni na wa ti mbi Abraham!

1 Mbai 16:16

mbuki so lo na Abraham asara, lo deba yanga ti lo na Isaac ti bata tënë ti yanga ti lo.

1 Mbai 29:18

KOTA GBIA, Nzapa ti akotara ti e Abraham, Isaac na Jacob, sara titene be ti azo ti mo so ala leke ti mu ye na mo angba gi tongaso si be ti ala angba lakue na mbage ti mo.

2 Mbai 28:9

Na Samarii, mbeni wayanga ti KOTA GBIA ayeke daa, iri ti lo Oded. Lo gue ti wara tere na aturugu ti Israel so alondo na Samarii ti kiri; lo tene na ala: “KOTA GBIA, Nzapa ti akotara ti ala asara ngonzo na tere ti azo ti Juda. Nilaa lo zia azo ti Juda ni na maboko ti ala si ala fâ azo ti Juda ni na sioni ngonzo so tënë ni ague ngbii asi na yayu.

Abia (Psaumes) 102:12

Lango ti fini ti mbi aga nduru ti hon tongana gbe ti de ti lakui, mbi yeke tongana pere so ahole.

Abia (Psaumes) 102:13

Me ti mo KOTA GBIA, mo yeke ngba gbia kpu na kpu si azo ti angoi kue ayeke dabe ti ala na mo.

Abia (Psaumes) 135:13

KOTA GBIA, iri ti mo ayeke ngba lakue, KOTA GBIA, azo ayeke dabe ti ala na mo ngu na ngu.

Abia (Psaumes) 30:4

KOTA GBIA, mo sara si mbi sigigi na ndo ti akuâ; mo sara si mbi ngba na fini na ndembe so mbi yeke zu na ya ti du ti kuâ.

Abia (Psaumes) 30:5

Ala azo ti KOTA GBIA, ala he bia ti gonda na lo; ala sepela lo, ala dabe ti ala so lo yeke nde si lo yeke nzoni kue.

Abia (Psaumes) 68:5

Ala azo, ala he bia na Nzapa, ala he bia ti gonda na iri ti lo! Ala leke lege ndali ti lo so lo yeke hon na ndö ti ambinda tongana zo ti kpengo na mbarata. Iri ti lo ayeke *KOTA GBIA, ala dodo na ngia na le ti lo!

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Sigingo 15:3

KOTA GBIA ayeke ngangu zo ti bira. Iri ti lo ayeke KOTA GBIA!

Sigingo 3:13

Moïse atene na Nzapa: “Nzoni ma! Fade mbi yeke gue ti wara azo ti Israel si mbi yeke tene na ala: ‘Nzapa ti akotara ti ala atokua mbi na ala’. Me tongana ala hunda mbi, atene: ‘Iri ti lo ayeke nyen?’ Fade mbi yeke tene na ala nyen?”

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Sigingo 4:1

Moïse akiri tënë na *KOTA GBIA: “Mbi hinga ape! Fade azo ti Israel ayeke yeda na tënë ti mbi pepe, ala yeke ma nga yanga ti mbi pepe; me fade ala yeke tene: ‘KOTA GBIA asi na mo pepe!’ ”

Sigingo 4:5

KOTA GBIA atene: “So laa ayeke fa biani na azo ti Israel atene, mbi KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob, mbi si na mo.”

Sigingo 6:2

Nzapa akiri atene na Moïse: “Mbi laa mbi yeke KOTA GBIA.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 26:8

Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 33:2

“Lo so lo sara ye, lo so lo leke ye si ye ni aluti mbirimbiri, lo so iri ti lo ayeke KOTA GBIA, tënë so lo tene ayeke so:

Daniel 2:23

Mo, Nzapa ti akotara ti mbi, mbi mu singila na mo, mbi gonda mo! Mo mu na mbi ndara na ngangu. Biani, mo fa na mbi nda ti ye so e hunda na mo. Mo fa na e tënë ti ye so aso be ti gbia so.”

Osée 12:5

Lo tiri na mbeni *ange si lo hon ndö ti lo; lo toto si lo voro tere ti lo na ange ni. Jacob atengbi na Nzapa na Betel; na ndo so laa Nzapa atene tënë na e.

Osée 12:6

KOTA GBIA, Nzapa so ayeke na ndö ti dunia kue; taa iri ti lo so a yeke iri na lo ayeke “KOTA GBIA”.

Awayango-sandaga 24:11

Iri ti mama ti molenge-koli ni ayeke Shelomit; Shelomit ayeke molenge ti Dibri ti wali; Dibri ayeke zo ti mara ti Dan. Molenge ti Shelomit azonga iri ti Nzapa si adeba lo. A mu molenge-koli ni ague na lo na Moïse.

Mishe 4:5

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Malashii 3:6

“Mbi *KOTA GBIA, mbi sanze pepe. Me ti ala, ala ngba lakue azo ti mara ti Jacob.

Matthieu 22:32

‘Mbi laa mbi yeke Nzapa ti Abraham, Nzapa ti Isaac na Nzapa ti Jacob.’ ” Jésus akiri atene: “Nzapa ayeke Nzapa ti akuâ pepe, me lo yeke Nzapa ti azo so ayeke na fini.”

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 7:32

‘Mbi yeke Nzapa ti akotara ti mo, Nzapa ti Abraham, ti Isaac na ti Jacob.’ Tere ti Moïse ayeke do na mbeto si lo ye ti kiri ti baa ye ni pepe.

Ndia ti fani use ni 1:11

Ayeke nzoni KOTA GBIA, Nzapa ti akotara ti ala asara titene ala kiri awu gbani gbani fani saki oko ahon ti so. Ayeke nzoni lo sara tufa na ndö ti ala tongana ti so lo mu zendo ni na ala.

Ndia ti fani use ni 1:35

“Ala asioni zo ti ngoi ti fadeso, nzoni sese so mbi deba yanga ti mbi ando ti mu na akotara ti ala, fade zo oko na popo ti ala ayeke baa ni pepe!

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Ahebro 13:8

Jésus Christ angba tongana ti biri, ti laso na kpu na kpu.