Sigingo 3:11 - Mbeti ti Nzapa - Tënë so amu fini

¹¹ Moïse atene na Nzapa, atene: “Mbi yeke zo wa ti gue na ndo ti Faraon ti zi azo ti Israel na sese ti Ezipte ti sigigi na ala?”

Sigingo 3:11 Iomraidhean Croise

2 Samuel 7:18

Gbia David ague, aduti na dawa ti *KOTA GBIA si lo tene: “Kota Gbia NZAPA, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

1 Agbia 3:7

Biani, KOTA GBIA Nzapa ti mbi, mo laa mo mu mbi, zo ti kua ti mo titene mbi le-gbia na plase ti babâ ti mbi David, ataa so mbi de molenge si mbi hinga lege ti sara komandema pepe.

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

Sigingo 6:12

Me Moïse akiri tënë na KOTA GBIA, atene: “Baa, azo ti Israel ama mbi pepe. Fade Faraon ayeke ma mbi tongana nyen, mbi so yanga ti mbi ane nengo na tenengo tënë so?”

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

Awafango-ngbanga 6:15

Gédéon akiri tënë na lo: “Kota Gbia, mbi gbu gere ti mo! Fade mbi yeke soo azo ti Israel ni tongana nyen? Mara ti mbi ayeke kete mara na popo ti mara ti Manase. Ti mbi, mbi yeke gi ndangba molenge ti ya ti sewa ti mbi.”

1 Samuel 18:18

David akiri tënë na Saul: “Mbi yeke ti mbi zo wa? Asewa ti mbi, na mara ti babâ ti mbi so ayeke na Israel ayeke nyen si mbi ga kogara ti gbia so?”