Sigingo 3:10 - Mbeti ti Nzapa - Tënë so amu fini

¹⁰ Fadeso, mbi yeke tokua mo. Gue na ndo ti gbia Faraon, mo zi azo ti Israel, azo ti mbi na sese ti Ezipte, mo sigigi na ala!”

Sigingo 3:10 Iomraidhean Croise

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

Tongo nda ti aye 15:14

Fade mbi yeke fâ ngbanga na li ti azo ti mara so ayeke sara ahale ti mo na ngbaa so; na pekoni, ahale ti mo ayeke sigigi na gbe ti ngbaa ni na aye mingi na maboko ti ala.

Abia (Psaumes) 105:26

Tongaso lo tokua Moïse, zo ti kua ti lo nga na Aaron so lo soro lo.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Sigingo 12:40

Azo ti Israel aduti na sese ti Ezipte ngu ngbangbo osio na baleota.

Sigingo 12:41

Na peko ti ngu ngbangbo osio na baleota so, taa gi na lango ni so, azo ti KOTA GBIA asigigi na ya ti kodro ti Ezipte na lege ti molongo ti amara ti ala.

Sigingo 33:12

Moïse atene na KOTA GBIA: “KOTA GBIA, ma si! Mo wani laa mo tene na mbi, mo tene: ‘Mo mu azo so mo gue na ala’. Me mo fa na mbi zo so alingbi ti mu maboko na mbi pepe. Lani mo laa mo tene na mbi, mo tene: ‘Mbi hinga mo na iri ti mo’; mo tene nga: ‘Mbi yeke baa mo na nzoni le.’

Sigingo 33:13

Fadeso, tongana mo baa mbi na nzoni le biani, fa na mbi lege ti mo si mbi hinga mo. Tongaso si fade mo yeke baa mbi na nzoni le. Ayeke nzoni mo hinga, mo tene, mara so ayeke azo ti mo.”

Sigingo 6:26

Aaron na Moïse laa KOTA GBIA amu yanga na ala, atene: “Ala zi azo ti Israel asigigi na Ezipte, na lege ti molongo ti amara ti ala oko oko.”

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Awatokua 7:34

Mbi baa azo ti mbi ayeke baa pasi mingi na Ezipte, mbi ma toto ti ala si mbi zu ti zi ala na gbe ti ngbaa. Fadeso mo gue, mbi yeke tokua mo na Ezipte.’

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Awatokua 7:6

Nzapa atene na lo: ‘Fade ahale ti mo ayeke duti na mbeni kodro wande. Kâ, azo ayeke sara ala na ngbaa si ayeke sara ala pasi na ya ti ngu ngbangbo osio.

Awatokua 7:7

Me fade mbi yeke fâ ngbanga na li ti azo ti mara so asara ala na ngbaa so si na pekoni, ala yeke sigigi na kodro ti ngbaa ni ti ga ti voro mbi na ndo so.’

Awafango-ngbanga 6:14

KOTA GBIA abaa ndo na mbage ti Gédéon si atene na lo: “Na ngangu so mo yeke na ni, gue, mo zi azo ti Israel na maboko ti azo ti Madian! Mbi laa mbi tokua mo.”

1 Samuel 12:6

Samuel akiri atene na azo ni: “KOTA GBIA ama ala awe, lo so airi ando Moïse na Aaron ti mu akotara ti ala na sese ti Ezipte si asigigi na ala.

1 Samuel 12:8

So Jacob asi lani na Ezipte, akotara ti ala atoto na KOTA GBIA. KOTA GBIA atokua Moïse na Aaron ti sara si akotara ti ala asigigi na sese ti Ezipte, ti zia ala na ya ti kodro so.