Sigingo 29:2 - Mbeti ti Nzapa - Tënë so amu fini

² mo yeke mu farini ti *ble, mo sara na mapa so a sara na mama ni pepe, na agatoo so a sara na mafuta si mama ni ayeke daa pepe nga na makara so a sara na mama ni pepe si a kpaka mafuta na tere ni.

Sigingo 29:2 Iomraidhean Croise

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 29:23

Na ya ti sakpa ti mapa so a sara na mama ni pepe si a zia na dawa ti mbi KOTA GBIA, mo yeke mu mapa oko, gatoo oko so a sara na mafuta nga na makara oko.

Sigingo 29:3

Fade mo yeke zia aye ni kue na ya ti mbeni sakpa si mo mu sakpa ni, na koli-bagara ni nga na akoli-taba ni use kue, mo ga na ni na dawa ti mbi.

Awayango-sandaga 2:15

fade ala yeke tuku mafuta daa si ala yeke zia dukani daa. So ayeke sandaga ti ale ti kobe laa.

Awayango-sandaga 6:13

“Ti londo na lango so a yeke tuku mafuta na li ti Aaron na amolenge ti lo ti zia ala nde, sandaga so ala yeke mu na KOTA GBIA ayeke tongaso: ala yeke mu na ya ti lango oko oko kilo ota ti farini, ndambo ni na ndaperere, ndambo ni na lakui.

Awayango-sandaga 7:10

Sandaga ti ale ti kobe so kue a tuku mafuta daa si a gbu ya ni, wala a tuku mafuta daa pepe, fade ayeke ga ti amolenge ti Aaron; zo oko oko ayeke wara ni alingbi tere.”

Awayango-sandaga 7:12

Tongana mbeni zo aga na sandaga ti beoko titene lo mu singila na Nzapa, ayeke nzoni lo ga na gatoo so a tuku mafuta daa, a gbu ya ni si a sara na mama ni pepe; lo ga nga na makara so a kpaka mafuta na tere ni nga na gatoo so a sara na farini, a tuku mafuta daa si a gbu ya ni.

Awayango-sandaga 8:2

“Mu Aaron na amolenge ti lo, na abongo so a zia nde ndali ti Nzapa, na mafuta ti tukungo na li ti zo ti zia lo nde, na koli-bagara so a yeke mu na *sandaga ndali ti zingo siokpari na li ti zo, na akoli-taba use nga na sakpa ti mapa so a sara na mama ni pepe.

Awayango-sandaga 8:26

Na ya ti sakpa ti mapa so a sara na mama ni pepe si ayeke na dawa ti KOTA GBIA, lo mu gatoo oko so a sara na mama ni pepe, na mbeni gatoo so a sara na mafuta nga na makara oko; lo zia ni na ndö ti akasa so mafuta ayeke daa mingi nga na ndö ti gere ti nyama ni ti mbage ti koli.

Wungo ti azo 6:15

Lo yeke kiri ti mu sakpa oko ti mapa so a sara na mama ni pepe, agatoo so a mu nzoni farini, a tuku mafuta daa si a sara na ni, nga na makara so a sara na mama ni pepe si a kpaka mafuta na tere ni. Lo yeke mu nga sandaga ti farini na sandaga ti samba na tere ti asandaga ti anyama ni so.

Wungo ti azo 6:19

Tongana nazir ni akio kua ti li ti lo awe, fade wayango-sandaga ayeke mu mbeni ngbongboro maboko ti koli-taba so a to ni awe, lo yeke mu na ya ti sakpa mbeni gatoo oko so a sara na mama ni pepe, na mbeni makara oko so a sara na mama ni pepe, lo yeke zia ni kue na ya ti maboko ti nazir ni.

1 Korente 5:7

Ala zi angbene mama ti mapa titene ala ga *nzoni! Tongaso, fade ala yeke ga tongana fini farini so a gbu ya ni si a zia mama ti mapa daa pepe. Biani, ala ga tongana fini farini so a gbu ya ni awe, ngbanga ti so Christ ayeke taba ti *Pake ti e so a mu lo na *sandaga awe.