Sigingo 28:9 - Mbeti ti Nzapa - Tënë so amu fini

⁹ Fade mo yeke mu atêne ti kornaline use si mo yeke kpaka iri ti amolenge ti Jacob na ndö ni.

Sigingo 28:9 Iomraidhean Croise

Tongo nda ti aye 2:12

lôro ti kodro ni ayeke lôro ti nzoni ni; bedelium na têne ti kornaline ayeke nga daa.

1 Mbai 29:2

Mbi mu ngangu ti mbi kue ti leke aye ndali ti kota da ti Nzapa ti mbi: mbi bongbi lôro ndali ti aye so a yeke sara ni na lôro, wen ti nginza ndali ti aye so a yeke sara ni na wen ti nginza, bengba wen ndali ti aye so a yeke sara ni na bengba wen, wen ndali ti aye so a yeke sara ni na wen nga na keke ndali ti aye so a yeke sara ni na keke. Mbi mu nga atêne ti kornaline na atêne so a yeke zia na tere ti aye titene apendere, avuko têne na atêne so nzoroko ni ayeke nde nde, amara ti atêne nde nde kue ti ngangu ngere nga na gba ti apendere têne ti sarango na da.

2 Mbai 2:7

Tokua nga na mbi akeke ti sedre, ti sipre na ti santal ti hoto ti Liban. Mbi hinga so, azo ti kua ti mo ahinga ti de akeke ti hoto ti Liban nzoni; fade azo ti kua ti mbi ayeke gue ti mu maboko na azo ti kua ti mo

Mbeti ti Job 28:16

Ngere ti lôro ti Ofir, kota ngere ti kornaline wala ti safir alingbi na ti Ndara pepe.

Sigingo 25:7

atêne ti kornaline na ambeni pendere têne nde nde ti ngangu ngere so a yeke zia na tere ti *efod nga na tere ti bozo so ayeke na ndö ti kate ti kota wayango-sandaga.

Sigingo 28:10

Mo yeke kpaka iri ti amolenge omene na ndö ti kozo têne ni; mo yeke kpaka iri ti tanga ti amolenge omene ni na ndö ti use têne ni. Mo yeke kpaka iri ni na lege ti molongo ti dungo ala.

Sigingo 28:20

Na osio molongo ni, ala yeke zia krizolite, kornaline na zaspe. Ala yeke zia têne oko oko na ya ti kadere so a sara na lôro.

Sigingo 28:36

“Fade ala yeke mu lôro ti nzoni ni, ala leke na mbeni palata so akpa kongo, ala yeke kpaka na ndö ni mbeni tënë tongaso: ‘Ye so a zia nde ndali ti KOTA GBIA.’

Sigingo 28:8

Ala yeke sara titene akamba ti efod ni na efod ni aga gi ye oko. Ala yeke sara nga ni na kamba ti len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ni na kamba so a sara na lôro.

Sigingo 31:5

lo hinga ti suru ya ti atêne ti zia na tere ti aye titene aga pendere, ti sara apendere ye ti kode na keke nga na mara ti akua nde nde.

Sigingo 39:13

Na osio molongo ni, ala zia krizolite, kornaline na zaspe. Ala zia têne oko oko na ya ti kadere so a sara na lôro.

Sigingo 39:6

Ala leke atêne use ti kornaline, ala zia ni na ya ti akadere use ti lôro. Ala kpaka iri ti amolenge ti Jacob na ndö ti atêne ni tongana ti so a yeke kpaka iri ti zo na ndö ti *ye ti kpongo na nzoroko.

B. ti abia 8:6

Bata mbi nduru na kate ti mo tongana *ye ti kpongo na nzoroko so a su iri ti mo na ndö ni, tongana ye ti kpongo na nzoroko so mo yu na maboko ti mo. Biani, yengo tere ayeke na ngangu tongana kuâ; nzara ti be ayeke nga ye so aso sioni tongana ndo so akuâ ayeke daa; zo alingbi ti sara ye oko na lo pepe. Yengo tere ayeke gbi ndo tongana wâ, lo yeke sungba tongana bekpa.

Ésaïe 49:16

Baa, mbi kpaka iri ti mo na ya ti maboko ti mbi; agbagba ti bira ti mo ayeke na gbe ti le ti mbi lakue.

Ezekiel 28:13

Mo yeke lango na Eden, yaka ti Nzapa; atêne ti ngangu ngere ndenge na ndenge akanga tere ti mo: rubis, topaze na diaman, krizolite, kornaline na zaspe, safir, grena na emerode. Aye ti pendere so mo yeke yu, a sara ni na lôro, a leke ni gi na lango so a sara mo.

Zakarii 9:16

Na lango ni so, fade KOTA GBIA Nzapa ti ala ayeke soo ala, tongana ti so wabatango-taba ayeke soo ataba ti lo. Azo ti lo ni ayeke tongana atêne ti gbe ti sese so azo amu ni si aleke na kpoto ti gbia, ala yeke za zango na ya ti kodro ti ala.