Sigingo 28:41 - Mbeti ti Nzapa - Tënë so amu fini

⁴¹ “Ti mo Moïse, mo yeke yu abongo ni so na Aaron, ita ti mo nga na amolenge ti lo. Mo yeke tuku mafuta na li ti ala si mo yeke zia ala ti sara kua na mbi. Na lege so laa mo yeke zia ala nde titene ala sara kua na mbi tongana awayango-sandaga.

Sigingo 28:41 Iomraidhean Croise

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 29:24

Mo yeke zia aye so kue na maboko ti Aaron na ti amolenge ti lo. Mo yeke tene na ala ti ya ni na mbi na nduzu ti fa atene, ala mu na mbi.

Sigingo 29:35

“Fade mo yeke sara na Aaron na amolenge ti lo alingbi gi na yanga so mbi mu na mo. Ala yeke mu lango mbarambara ti sara matanga ti lingo ti ala na kua ni.

Sigingo 29:7

Mo yeke mu mafuta ti tukungo na li ti zo, mo tuku na li ti lo ti zia lo nde ndali ti mbi.

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Sigingo 30:35

Mbeni zo ti sarango yombo ayeke bongbi ni na ingo ti sara si aga yombo ti nzoni ni so a zia nde ndali ti mbi.

Sigingo 40:13

Na pekoni, mo yeke yu Aaron na abongo ti lo ti wayango-sandaga, mo yeke tuku mafuta na li ti lo ti zia lo nde titene lo sara kua na mbi tongana wayango-sandaga.

Sigingo 40:15

Mo yeke tuku mafuta na li ti ala tongana ti so mo sara na babâ ti ala titene ala sara kua na mbi tongana awayango-sandaga. Tongaso, mafuta so mo tuku na li ti ala so ayeke mu lege na ala ti sara kua ti wayango-sandaga ngu na ngu, kpu na kpu.”

Ésaïe 10:27

Na lango ni so, kungba so ayeke na ndö ti go ti ala, azo ti mbi, ayeke zi; *zuge so ane na go ti ala ayeke fâ ndali ti konongo ti ala.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ezekiel 43:26

Na ya ti lango mbarambara, fade a sukula *sioni ti gbalaka ni si a zia ni nde ti sara na kua.

Awayango-sandaga 10:7

Ti mo Aaron na amolenge ti mo, ala londo na yanga ti da ti bongo so KOTA GBIA na azo ti lo ayeke wara tere daa so pepe. Tongaso pepe, fade ala yeke kui. Biani, a tuku mafuta na li ti ala awe ti zia ala nde ndali ti KOTA GBIA.” Ala sara ye alingbi na tënë so Moïse atene.

Awayango-sandaga 16:24

Lo yeke sukula ngu na mbeni ndo so ayeke nde si ayeke nzoni kue, lo yeke yu ambeni bongo nde. Lo yeke sigigi si lo yeke ya na KOTA GBIA sandaga so a yeke gbi ni kue na wâ ndali ti lo wani nga ndali ti azo ni kue. Na pekoni, lo yeke sara titene a zi siokpari na li ti lo wani nga na li ti azo ni.

Wungo ti azo 16:5

Na pekoni, lo tene na Kore na azo so amu peko ti lo so, atene: “Kekereke na ndaperere, fade KOTA GBIA ayeke fa zo so ayeke ti lo, zo so lo zia lo nde ndali ti lo, zo so lo yeda na lo ti ga nduru na lo. Zo so KOTA GBIA asoro lo, fade lo yeke zia lege na zo ni ti ga nduru lo.

Wungo ti azo 3:3

A tuku mafuta na li ti ala ti zia ala nde titene ala sara kua ti wayango-sandaga.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Ahebro 5:4

Zo ayeke mu tere ti lo wani ti si na kota ndo ni pepe, so ti tene, ti ga kota wayango-sandaga; me Nzapa laa ayeke iri zo ni tongana ti so lo iri ando Aaron.

Ahebro 7:28

Azo so Ndia ti Moïse amu na ala lege ti ga akota wayango-sandaga, ala yeke azo so alingbi kue pepe; me na peko ti Ndia ni, Nzapa adeba yanga ti lo si lo mu Molenge ti lo ti ga kota wayango-sandaga so alingbi kue kpu na kpu.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.