Sigingo 28:4 - Mbeti ti Nzapa - Tënë so amu fini

⁴ Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 28:4 Iomraidhean Croise

2 Samuel 6:14

David adodo na ngangu ti lo kue na dawa ti KOTA GBIA; lo yu bongo ti awayango-sandaga so a sara na *len si ayeke tongana mapia-bongo.

Sigingo 25:7

atêne ti kornaline na ambeni pendere têne nde nde ti ngangu ngere so a yeke zia na tere ti *efod nga na tere ti bozo so ayeke na ndö ti kate ti kota wayango-sandaga.

Sigingo 29:6

Mo yeke zia na li ti lo bongo so a yeke kanga na li tongana kpoto, mo yeke zia palata na ndö ti kpoto ni ti fa atene, a zia lo nde ndali ti Nzapa.

Sigingo 39:28

mbeni bongo so a yeke kanga na li tongana kpoto na akpoto so a sara na len, akilote so a sara na len, akamba ti len so akpengba kpengbango;

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

Aye so Nzapa afa 9:17

Ambarata na azo so aduti na ndö ti ala si mbi baa ala na ya ti mbeni ye tongana bango-li, lege ni ayeke tongaso: kazaka ti wen so ayeke na kate ti ala, nzoroko ni abe tongana wâ, avuko tongana le ti nduzu si ayeke nga tongana *sufre; li ti ambarata ni akpa li ti abamara. Wâ, na guru ti wâ na sufre ayeke sigigi na yanga ti ala.

1 Samuel 2:18

Me Samuel, so ade molenge ayeke sara kua na le ti Kota Gbia. Lo yu *efod so a sara na *len.

1 Samuel 22:18

Tongaso gbia atene na Doeg, zo ti Edom, atene: “Gue, mo fâ awayango-sandaga so.” Doeg ague si lo wani, lo fâ awayango-sandaga ni. Na lango ni so, lo fâ azo balemiombe na oku, ala so ayu *efod so a sara na *len.

1 Samuel 23:6

Na ndembe so lani Abiatar, molenge ti Ahimelek akpe si lo gue na tere ti David na Keila so, andaa lo mu *efod, lo gue na ni.

1 Samuel 30:7

David atene na wayango-sandaga Abiatar, molenge ti Ahimelek, atene: “Mbi gbu gere ti mo, ga na mbi aye ti hundango na nda ti ye na Nzapa.” Abiatar aga na lo aye ni.