Sigingo 28:1 - Mbeti ti Nzapa - Tënë so amu fini

¹ “Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 28:1 Iomraidhean Croise

1 Mbai 23:13

Amolenge ti Amram ayeke Aaron na Moïse. A zia Aaron nde, lo na *ahale ti lo titene ala sara kua na ndo so ayeke nde si ayeke nzoni kue ahon atanga ni kpu na kpu. Kua ti ala ayeke ti zö dukani na dawa ti KOTA GBIA, ti sara kua ti Nzapa na ti sara tufa na ndö ti azo na iri ti KOTA GBIA kpu na kpu.

1 Mbai 6:10

Ambeni molenge ti Elkana ayeke Amasai, Ahimot

1 Mbai 6:34

Kua ti Aaron, lo na ahale ti lo ayeke ti ya *asandaga ti nyama na ndö ti gbalaka ti sandaga so a yeke gbi ni kue na wâ; ala yeke ya nga asandaga ti dukani na ndö ti gbalaka ti zongo dukani. Ala yeke baa lege ti akua ti ndo so ayeke nde si ayeke nzoni kue ahon atanga ni, ala yeke sara ye titene Nzapa azi siokpari na li ti azo ti Israel, alingbi gi na atënë ti yanga ti Moïse, zo ti kua ti Nzapa.

2 Mbai 11:14

Azo ti mara ti Lévi azia sese ti ala so ayeke na tere ti agbata ni nga na ambeni ye ti ala, ala gue na Juda nga na Jérusalem, ngbanga ti so Yeroboam na amolenge ti lo akanga lege na ala ti sara kua ti ala ti wayango-sandaga na *KOTA GBIA.

Abia (Psaumes) 115:10

Ala *ahale ti Aaron, ala zia be ti ala na ndö ti KOTA GBIA! – Lo laa lo yeke mu maboko na ala; lo yeke vala ti ala!

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Sigingo 24:1

KOTA GBIA atene lani na Moïse, atene: “Mo ma na li ti hoto na mbage ti mbi, mo na Aaron, na Nadab, na Abihu nga na *akangba ti Israel balembarambara. Ala luti yongoro, ala kuku akpo li ti ala na sese.

Sigingo 24:9

Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Sigingo 28:41

“Ti mo Moïse, mo yeke yu abongo ni so na Aaron, ita ti mo nga na amolenge ti lo. Mo yeke tuku mafuta na li ti ala si mo yeke zia ala ti sara kua na mbi. Na lege so laa mo yeke zia ala nde titene ala sara kua na mbi tongana awayango-sandaga.

Sigingo 29:1

“Lege so mo yeke zia Aaron na amolenge ti lo nde titene ala sara kua ti awayango-sandaga na mbi ayeke so: “Fade mo yeke mu koli-bagara oko na akoli-taba use so mbage ti tere ti ala abuba pepe;

Sigingo 29:44

Da ti bongo so mbi na azo ti mbi e yeke wara tere daa, na gbalaka ni, fade mbi yeke zia ni nde ndali ti mbi. Mbi yeke zia Aaron na amolenge ti lo nde titene ala sara kua ti mbi ti wayango-sandaga.

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Sigingo 30:30

Mo yeke tuku mafuta so na li ti Aaron na amolenge ti lo si mo yeke zia ala nde titene ala sara kua na mbi tongana awayango-sandaga.

Sigingo 31:10

abongo ti awayango-sandaga, abongo so a zia nde ndali ti wayango-sandaga Aaron, abongo so amolenge ti lo ayeke yu ti sara na kua ti wayango-sandaga,

Sigingo 35:19

abongo ti awayango-sandaga titene ala sara na kua na ndo so ayeke nde si ayeke nzoni kue, abongo so a zia nde ndali ti wayango-sandaga Aaron, abongo so amolenge ti lo ayeke yu ti sara na kua ti wayango-sandaga.”

Sigingo 6:23

Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Awayango-sandaga 10:1

Ambeni molenge ti Aaron ti koli, Nadab na Abihu amu kete ta ti zongo na dukani ti ala, ala zia ale ti wâ daa, ala zia dukani na ndö ni si ala zö ni. Tongaso ala zö na KOTA GBIA mbeni *sandaga ti dukani so ala zö ni na wâ so ayeke nde na ti so ndia amu yanga na ala daa.

Awayango-sandaga 10:12

Moïse atene na Aaron nga na amolenge ti lo, Elazar na Itamar so angba na fini so, atene: “Ale ti kobe so azo aga na ni ti mu *sandaga so a yeke gbi ni kue na wâ na KOTA GBIA, ala zi ti lo na ya ni. Tanga ni so angba so, ala mu ni asara na mapa so a sara na mama ni pepe, ala te ni na tere ti gbalaka, ngbanga ti so ayeke mbeni kobe so ayeke nde si ayeke nzoni kue ahon atanga ni.

Awayango-sandaga 7:35

So ayeke ye so aga ti Aaron na amolenge ti lo so azo ti Israel azi na ndö ti sandaga so a gbi ni kue na wâ ndali ti KOTA GBIA laa. Ye ni aga ti ala, ti londo na lango so a zia ala ti sara kua ti wayango-sandaga na KOTA GBIA.

Awayango-sandaga 8:1

KOTA GBIA atene na Moïse:

Awayango-sandaga 8:2

“Mu Aaron na amolenge ti lo, na abongo so a zia nde ndali ti Nzapa, na mafuta ti tukungo na li ti zo ti zia lo nde, na koli-bagara so a yeke mu na *sandaga ndali ti zingo siokpari na li ti zo, na akoli-taba use nga na sakpa ti mapa so a sara na mama ni pepe.

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Wungo ti azo 2:4

Wungo ti aturugu ti lo kue ayeke: 74 600.

Wungo ti azo 26:61

Me Nadab na Abihu akui, ngbanga ti so ala mu mbeni wâ nde si ala zö na dukani na KOTA GBIA.

Nzoni Tënë so Luc asu na mbeti 1:8

Ngoi ti Zakarii ti sara kua ti yango sandaga na le ti Nzapa alingbi; so ayeke ngoi titene lo na azo ti bongbi ti lo asara kua.

Ndia ti fani use ni 10:6

Azo ti Israel alondo na ndo so adu ti ngu ti Bene-Yakan ayeke daa si ala si na Mosera. Kâ, Aaron akui si a lu lo. Molenge ti lo ti koli Elazar aga wayango-sandaga na peko ti lo.

Ndia ti fani use ni 18:5

Biani, KOTA GBIA Nzapa ti ala asoro Lévi, lo na *ahale ti lo na popo ti amara ti Israel kue titene ala sara kua na iri ti KOTA GBIA lakue.

1 Samuel 2:28

Na popo ti amara ti Israel kue, mbi soro kotara ti mo Aaron nga na *ahale ti lo titene ala ga awayango-sandaga ti mbi. Nilaa, lo yeke sara kua ti mungo *sandaga na ti zongo dukani na ndö ti gbalaka ti mbi; ala yeke baa mbi ndali ti ambeni ye. Asandaga so kue azo ti Israel aga na ni, mbi mu mbage ni na ala.