Sigingo 27:9 - Mbeti ti Nzapa - Tënë so amu fini

⁹ “Fade ala yeke sara gbagba ti da so Nzapa ayeke duti daa. Na mbage ti Mbongo, ala yeke sara gbagba ni na bongo ti *len so akpengba kpengbango; bongo ni ayeke yo metere baleoku.

Sigingo 27:9 Iomraidhean Croise

1 Agbia 6:36

Na pekoni, a sara gbagba ti kota da ti Nzapa, – so ti tene gbagba ti ya ni – na atêne so a de tere ni dengo, molongo ti atêne ni ayeke ota; na ndö ni, a zia molongo oko ti angbongboro keke ti sedre.

1 Agbia 8:64

Na lango ni so, gbia azia nde ndali ti Nzapa ya ti gbagba so ayeke na dawa ti kota da ti KOTA GBIA. Na ndo so laa lo mu asandaga so a yeke gbi ni kue na wâ, asandaga ti ale ti kobe, mafuta ti anyama so a yeke mu na sandaga ti beoko, ngbanga ti so gbalaka so a sara na bengba wen si ayeke dawa ti kota da ti KOTA GBIA so ayeke kete mingi, alingbi pepe titene a zia asandaga ni kue na ndö ni.

2 Mbai 33:5

Lo leke agbalaka na ya ti agbagba use ti kota da ti KOTA GBIA ndali ti aye mingi mingi so ayeke na le ti nduzu.

2 Mbai 4:9

A sara gbagba ndali ti awayango-sandaga; a sara nga mbeni gbagba so ya ni akono si a sara ayanga ni daa; a zia bengba wen na tere ti ayanga ti gbagba ni.

Abia (Psaumes) 100:4

Ala li na ayanga ti kota da ti lo na mungo singila na lo; ala li na ya ti gbagba ti kota da ti lo na hengo bia ti sepela lo. Ala mu singila na lo, ala gonda iri ti lo.

Abia (Psaumes) 116:19

na ya ti gbagba ti kota da ti KOTA GBIA, na ya ti mo, Jérusalem! Aleluya!

Abia (Psaumes) 84:10

O Nzapa, baa gbia so ayeke *vala ti e, baa na nzoni le zo ti mo so mo zia lo gbia so.

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Sigingo 27:10

A yeke kanga bongo ni na *kongi nga na wen so a sara na wen ti nginza na tere ti angbongboro wen baleuse so a sara na bengba wen. Angbongboro wen ni ayeke luti na ndö ti agere ni baleuse so a sara nga na bengba wen.

Sigingo 35:17

abongo ti gbagba ni, na angbongboro wen ni, na agere ni nga na ridoo ti yanga ti gbagba ni;

Sigingo 36:17

Ala fu kamba baleoku na yanga ti kozo kota mapia-bongo ni, kamba baleoku na yanga ti use kota mapia-bongo ni.

Sigingo 39:40

– abongo ti gbagba ni, angbongboro wen ni, agere ni nga na ridoo ti yanga ti gbagba ni, akamba ni, awen so a kpo ti gbu da ni na nduzu; – agbakuru so kue a yeke sara na kua na ya ti da ti bongo so Nzapa na azo ti lo ayeke wara tere daa, da so a zia nde ndali ti Nzapa;

Sigingo 40:33

Moïse asara gbagba na tere ti da so Nzapa ayeke duti daa nga na tere ti gbalaka ni si lo zia ridoo na yanga ti gbagba ni. Lege so Moïse ahunzi akua ni kue laa.

Sigingo 40:8

Mo yeke zia abongo ni na tere ti gbagba ti ndo so ayeke nde si ayeke nzoni kue si mo yeke kanga ridoo ni na yanga ti gbagba ni.

Ezekiel 40:14

Lo haka nga kota kubu ni; ayo kudee baleomene. Gbagba ti kota da ni angoro kota kubu ni mbage na mbage.

Ezekiel 40:17

Koli ni amu mbi, ague na mbi na ya ti gbagba ti gigi ni. A leke ada baleota na tere ti gbagba ni, angoro ni kue; a leke ndö ti sese ti ya ti gbagba ni na têne, angoro ni kue.

Ezekiel 40:20

Lo haka yanga ti gbagba ni so ayeke na mbage ti Banga ti ya ti gbagba ti gigi ni; lo haka ni mbage na mbage.

Ezekiel 40:23

Mbeni yanga ti gbagba ni na mbage ti ya ni abaa le na yanga ti gbagba ti gigi ni so ayeke na mbage ti Banga, tongana ti yanga ti mbage ti To. Koli ni ahaka lege, ti londo na yanga ni ti ya ni asi na yanga ni ti gigi ni; ayo kudee ngbangbo oko.

Ezekiel 40:28

Koli ni amu mbi, e li na ya ti gbagba ti ya ni, e mu lege ti yanga ni so ayeke na mbage ti Mbongo. Lo haka yanga ni so; ayo alingbi tere na atanga ni.

Ezekiel 40:32

Koli ni amu mbi, ague na mbi na ya ti gbagba ni na mbage ti To. Lo haka yanga ni; ayo alingbi tere na atanga ni.

Ezekiel 40:44

Na ya ti gbagba ni, na tere ti yanga ti gbagba ni, ada ayeke daa ndali ti azo ti hengo bia. Oko ayeke na tere ti yanga ni so ayeke na mbage ti Banga, yanga ni abaa ndo na mbage ti Mbongo; mbeni ayeke na tere ti yanga ni so ayeke na mbage ti Mbongo, yanga ni abaa ndo na mbage ti Banga.

Ezekiel 42:3

Na mbage ni oko, da ni abaa le na ndo so ayeke na ya ti gbagba ni si angoro kota da ti Nzapa. Ti mbage ti da ni so, gi mbeni mbage ni so ayo kudee baleuse laa abaa le na ya ti gbagba ni. Na mbeni mbage ni, da ni abaa le na ndo so a leke ndö ti sese ti ya gbagba ti gigi ni na têne. Da ni ayeke na averanda, veranda oko na ndö ti mba ti lo, veranda oko na ndö ti mba ti lo, kue etaze ota.

Wungo ti azo 3:26

Ala yeke baa nga lege ti abongo na ridoo ti yanga ti gbagba ni; bongo ni angoro da ni nga na gbalaka. Ala yeke baa nga lege ti akamba so agbu li ti da ni na nduzu. Aye so kue, ala laa ayeke baa lege ni.

Wungo ti azo 4:26

Ala yeke yo nga abongo ti tere ti gbagba so angoro da ni na gbalaka, ridoo ti yanga ti gbagba ni, akamba ti kangango na gbagba ni, na akungba nde nde ti sarango na akua ti ala.

Wungo ti azo 4:32

angbongboro wen so angoro gbagba ni, agere ti awen ni, awen so a kpo ti gbu da ni na nduzu, akamba ti da ni nga na akungba nde nde so ala yeke sara na kua. Fade awayango-sandaga ayeke fa na zo oko oko kungba ti lo ti yongo ni.