Sigingo 27:3 - Mbeti ti Nzapa - Tënë so amu fini

³ Ala yeke sara agbakuru ti gbalaka ni kue na bengba wen: ata so a yeke tuku mburu ti wâ ti mafuta ti anyama daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Sigingo 27:3 Iomraidhean Croise

1 Agbia 7:40

Hiram aleke asembe, apao na adu ti sembe so a yeke tuku mene daa ti fi na tere ti aye. Lo hunzi kua ti aye so kue gbia Salomon ahunda na lo ti sarango ni ndali ti kota da ti *KOTA GBIA. Akua ni ayeke tongaso:

1 Agbia 7:45

asembe ti ziango mburu ti wâ daa, apao na adu ti sembe so a yeke tuku mene daa ti fi na tere ti aye. Aye so kue Hiram aleke ni ndali ti kota da ti KOTA GBIA; lo leke ni na peko ti yanga ti gbia Salomon. Aye ni so kue, lo leke ni na bengba wen so a kpaka tere ni nzoni.

1 Agbia 7:50

adu ti sembe, aye ti mingongo na wâ, adu ti sembe so a tuku mene daa ti fi na tere ti aye, akete ta ti zongo na dukani, aye so kue ayeke na lôro ti nzoni ni; awen ti agere ti ayanga ti kubu so iri ni “Ndo so ayeke nde si ayeke nzoni kue ahon atanga ni” nga na awen ti agere ti ayanga ti kota kubu ni, aye ni kue ayeke gi na lôro.

2 Agbia 25:14

Ala mu nga aye so kue a sara na bengba wen si a yeke sara na kua na ya ti kota da ti Nzapa, ague na ni; aye ni ayeke tongana: ata so a yeke zia mburu ti wâ daa, apao, aye ti mingongo na wâ nga na akopo.

2 Agbia 25:15

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: asembe so a yeke zia ale ti wâ daa na adu ti sembe so a yeke tuku mene daa ti fi na tere ti aye.

1 Mbai 28:17

na nengo ti afurshete ti kpongo na kasa, adu ti sembe na akopo so a sara na lôro ti nzoni ni, akota sembe so a sara na lôro nga na wen ti nginza, alingbi na kua ti sembe oko oko.

2 Mbai 4:11

Huram asara adu ti sembe, apao nga na akopo. Aye so gbia Salomon amu yanga na lo ti sara ndali ti kota da ti Nzapa, Huram asara ni kue awe. Aye ni ayeke so:

2 Mbai 4:16

lo sara adu ti sembe, apao na afurshete. Aye so kue Salomon amu yanga na Huram-Abi ti sara ndali ti kota da ti KOTA GBIA, lo sara ni kue na bengba wen so tere ni ayeke za zango.

Sigingo 24:6

Moïse amu ndambo ti mene ti anyama ni, lo zia na ya ti adu ti sembe; tanga ti mene ni, lo fi na ndö ti gbalaka ni.

Sigingo 27:19

Ti agbakuru so a yeke sara na kua ti da so Nzapa ayeke duti daa, awen so ala kpo ti gbu da ni na nduzu nga na awen so ala kpo ti gbu na gbagba ni, ala sara ni kue na bengba wen.”

Sigingo 27:2

Ala yeke sara adidi na andangoro osio ti gbalaka ni, adidi ni na gbalaka ni ayeke bongbi kue ti ga gi ye oko. Ala yeke zia bengba wen na tere ni kue.

Sigingo 27:4

Ala yeke mu bengba wen, ala sara na gbanda; ala yeke mu nga bengba wen, ala sara na *akati osio ti zia na ndangoro oko oko ti gbanda ni.

Sigingo 38:3

Lo sara agbakuru ti gbalaka ni kue na bengba wen: ata so a yeke tuku mburu ti wâ ti mafuta daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Awayango-sandaga 16:12

lo yeke mu kete ta ti zongo na dukani so le ti wâ asi singo na ya ni; le ti wâ ni ayeke na ndö ti gbalaka so ayeke na dawa ti KOTA GBIA; lo yeke mu fuku ti dukani asi ya ti maboko ti lo fani use. Lo yeke gue na aye so kue na peko ti ridoo so akangbi ya ti da ni.

Wungo ti azo 4:14

Ala yeke zia na ndö ti bongo ni aye kue ti sarango na kua ti yango *sandaga: akete ta ti zongo na dukani, afurshete, apao na adu ti sembe so a yeke zia mene ti anyama daa ti fi na tere ti aye. Ala yeke kanga ndö ti aye ni kue na mbeni pendere poro ti nyama. Na pekoni, ala yeke yoro ayongoro keke na tere ti gbalaka ni ti yo na ni.