Sigingo 27:21 - Mbeti ti Nzapa - Tënë so amu fini

²¹ Fade Aaron na amolenge ti lo ti koli ayeke zia gere ti alamba ni na ya ti da ti bongo so Nzapa na azo ti lo ayeke wara tere daa. Ala yeke zia ni na dawa ti ridoo so ahonde sanduku ti mbuki. Fade alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.”

Sigingo 27:21 Iomraidhean Croise

Tongo nda ti aye 1:5

Nzapa adi iri ti vurungo ndo “kota lâ”, lo di iri ti vukongo ndo “bi”. Lakui ahon, ndaperere asi. Kozo lango laa.

Tongo nda ti aye 1:8

Nzapa adi iri ti ye so akangbi popo ti angu “le ti nduzu”. Lakui ahon, ndaperere asi. Use lango laa.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

Abia (Psaumes) 134:1

A yeke he bia so na ndembe ti guengo ni na Jérusalem. Ala ga, e mu singila na *KOTA GBIA, ala so kue ayeke azo ti kua ti KOTA GBIA, ala so ayeke luti na da ti KOTA GBIA na bi kue.

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 16:34

Aaron asara ye alingbi na yanga so KOTA GBIA amu lani na Moïse: lo zia ta ni na dawa ti atêne so a su atënë ti mbuki na le ni.

Sigingo 25:16

Fade mo yeke zia na ya ti sanduku ni atêne so a su atënë ti mbuki na le ni si mbi yeke mu na mo so.

Sigingo 28:43

Fade Aaron na amolenge ti lo ayeke yu abongo ni na ndembe so ala yeke li na ya ti da ti bongo so KOTA GBIA na azo ti lo ayeke wara tere daa, wala na ndembe so ala yeke gue nduru na tere ti gbalaka ti sara kua na ndo so ayeke nde si ayeke nzoni kue; tongaso si ala duti ndumbu pepe. Tongana ala duti fade ndumbu, ka ala yeke kui. Ndia so ayeke ngba kpu na kpu ndali ti Aaron na *ahale ti lo.”

Sigingo 29:28

Ndia so ayeke ngba kpu na kpu ndali ti azo ti Israel: na ngoi so kue ala yeke zi akasa ti anyama ni so ti ya na mbi KOTA GBIA na sandaga ti beoko, fade ala yeke mu ni na Aaron na amolenge ti lo.

Sigingo 29:42

So ayeke sandaga so a yeke gbi ni kue na wâ si ala yeke ya ni na dawa ti mbi ngu na ngu, kpu na kpu na yanga ti da ti bongo so mbi KOTA GBIA, mbi na azo ti mbi e yeke tere daa. Na ndo so laa mbi yeke wara ala daa ti tene tënë na mo.

Sigingo 29:44

Da ti bongo so mbi na azo ti mbi e yeke wara tere daa, na gbalaka ni, fade mbi yeke zia ni nde ndali ti mbi. Mbi yeke zia Aaron na amolenge ti lo nde titene ala sara kua ti mbi ti wayango-sandaga.

Sigingo 30:21

fade ala yeke sukula maboko ti ala na gere ti ala, tongaso si ala kui pepe. Ndia so ayeke ngba ngu na ngu, kpu na kpu ndali ti Aaron na *ahale ti lo.”

Sigingo 30:36

Mo yeke nika mbage ti yombo ni titene aga fuku, mo yeke tuku ni na dawa ti sanduku so a zia na ya ni atêne so a su atënë ti mbuki na le ni si ayeke na ya ti da ti bongo so mbi na azo ti mbi e yeke wara tere daa. Na ndo so laa mbi na mo, e yeke wara tere. Ti ala, ala lingbi ti baa yombo ni tongana ye so ayeke nde si ayeke nzoni kue ahon atanga ni.

Sigingo 30:8

Lakue na lakui, lo yeke zö dukani na ndö ti gbalaka ni, na ndembe so lo yeke gue ti zia wâ na ya ti alamba. Fade ala yeke ngba ti zö dukani ni na dawa ti mbi KOTA GBIA ngu na ngu, kpu na kpu.

Sigingo 40:3

Mo yeke zia na ya ti da ni sanduku so a zia na ya ni atêne so a su atënë ti mbuki na le ni; mo yeke honde ni na peko ti ridoo so akangbi ya ti da ni.

Awayango-sandaga 10:9

“Mo na amolenge ti mo, tongana ala ye ti gue na ya ti da ti bongo so KOTA GBIA na azo ti lo ayeke wara tere daa, ala nyon vin pepe, wala ngangu samba pepe. Tongaso pepe, fade ala yeke kui. Ndia so ayeke ngba ngu na ngu ndali ti *ahale ti ala ti angoi kue.

Awayango-sandaga 16:34

“So ayeke mbeni ndia so ayeke ngba kpu na kpu ndali ti ala. Fade ala yeke sara ye alingbi na ni ti zi siokpari kue na li ti azo ti Israel, fani oko na ya ti ngu oko oko.” Aaron asara ye alingbi na yanga so kue KOTA GBIA amu lani na Moïse.

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Awayango-sandaga 23:14

Kozo titene lango so ala yeke ga na kozo gba ti le ti kobe na mbi alingbi, ataa mapa, ataa ale ti kobe so ayoro ni yorongo, ataa fini le ti kobe, ala yeke te ni pepe. So ayeke mbeni ndia so ayeke ngba ngu na ngu ndali ti ala na *ahale ti ala ti angoi kue na ndo so kue ala yeke duti daa.”

Awayango-sandaga 23:21

Gi na oko lango ni so, ala yeke iri azo ti kodro titene ala bongbi ti voro mbi. Kua so ala yeke sara lakue, ala sara ni pepe. So ayeke mbeni ndia so ayeke ngba ngu na ngu ndali ti ala na *ahale ti ala na ndo so kue ala yeke duti daa.

Awayango-sandaga 24:2

“Mu yanga na azo ti Israel titene ala ga na mo mafuta ti olive so ayeke nzoni ahon atanga ni kue, tongaso si wâ ayeke za na ya ti lamba lakue na lakui.

Awayango-sandaga 24:3

Fade Aaron ayeke zia gere ti alamba ni na ya ti da ti bongo so mbi na azo ti mbi e yeke wara tere daa, na dawa ti ridoo so ahonde sanduku ti mbuki. Alamba ni ayeke za na dawa ti mbi, KOTA GBIA na lakui ngbii asi na ndaperere. Ndia so ayeke ngba ngu na ngu ndali ti *ahale ti ala ti angoi kue.

Awayango-sandaga 24:9

Agatoo ni ayeke ga ye ti Aaron na ahale ti lo; ala yeke te ni na mbeni ndo so ayeke nde si ayeke nzoni kue. Biani, agatoo ni ayeke nde si ayeke nzoni kue ahon atanga ni, ngbanga ti so a mu ni na popo ti akobe so a yeke zö ni kue na wâ ndali ti KOTA GBIA. So ayeke ye so aga ti ala kpu na kpu.”

Awayango-sandaga 3:17

So ayeke mbeni ndia so ayeke ngba ngu na ngu ndali ti *ahale ti ala ti angoi kue. Ndani laa, na ndo so kue ala yeke duti daa, kasa ti mafuta, wala mene, fade ala yeke te ni oko pepe.”

Awayango-sandaga 3:8

Zo ni ayeke zia maboko ti lo na li ti taba ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Tongaso, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 6:15

“Na popo ti amolenge ti Aaron, lo so a yeke tuku mafuta na li ti lo titene lo ga kota wayango-sandaga na peko ti babâ ti lo, fade lo yeke mu nga gi mara ti sandaga so. So ayeke sandaga so a zö ni kue na wâ si a yeke mu lakue lakue na KOTA GBIA.

Awayango-sandaga 7:36

KOTA GBIA amu yanga na azo ti Israel ti mu ye ni na Aaron na amolenge ti lo, ti londo na lango so a tuku mafuta na li ti ala. Ndia so ayeke ngba ngu na ngu ndali ti *ahale ti ala ti angoi kue.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Wungo ti azo 18:23

Gi azo ti mara ti Lévi laa ayeke sara akua ti da ti bongo so mbi na azo ti mbi, e yeke wara tere daa; ye ti sioni so ala yeke sara, tënë ni ayeke ngba gi na li ti ala wani. Ndia so ayeke ngba ndali ti ala kpu na kpu, ala na *ahale ti ala. Na popo ti azo ti Israel kue, ala lingbi ti wara sese pepe.

Wungo ti azo 18:5

Mo na amolenge ti mo, ala laa ayeke sara kua na ndo so ayeke nde si ayeke nzoni kue nga na kua ti gbalaka ni. Tongaso si ngonzo ti mbi akiri ati na ndö ti azo ti Israel pepe.

Wungo ti azo 19:21

“Ndia so ayeke ndali ti azo ti Israel kpu na kpu. Zo so ayeke fi ngu ti *sukulango sioni ti zo, alingbi lo sukula abongo ti lo; zo so andu ngu ni, fade lo yeke ga *sioni ngbii asi na lakui.

Wungo ti azo 35:29

“Andia so ayeke ndali ti ala, ndali ti *ahale ti ala kue, na ndo so kue ala yeke duti ande daa.

Wungo ti azo 8:9

Mo yeke iri azo ti mara ti Lévi ti ga na dawa ti da ti bongo so KOTA GBIA na azo ti lo ayeke wara tere daa si mo yeke bongbi nga azo ti Israel kue.

Matthieu 4:16

Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Nzoni Tënë so Luc asu na mbeti 12:35

“Ala bata abongo ti kua ti ala na tere ti ala! Ala bata alamba ti ala na zango ni!

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Aye so Nzapa afa 2:1

“Su mbeti so, mo tokua na *ange so ayeke na li ti *Eglize ti gbata ti Efeze: “Baa, lo so lo gbu atongoro mbarambara na maboko ti lo ti koli si ayeke tambula na popo ti agere ti lamba mbarambara so a sara ni na lôro, atene:

1 Samuel 3:3

Lamba ti ya ti da ti Nzapa ade ti mingo pepe. Samuel ayeke lango na ya ti da ti KOTA GBIA, nduru na ndo so sanduku ti *mbuki ti Nzapa ayeke daa.

1 Samuel 30:25

Gi na lango ni so, yanga so David amu aga tongana ndia ndali ti azo ti Israel; ngangu ti ndia so angba laso.