Sigingo 27:19 - Mbeti ti Nzapa - Tënë so amu fini

¹⁹ Ti agbakuru so a yeke sara na kua ti da so Nzapa ayeke duti daa, awen so ala kpo ti gbu da ni na nduzu nga na awen so ala kpo ti gbu na gbagba ni, ala sara ni kue na bengba wen.”

Sigingo 27:19 Iomraidhean Croise

Esdras 9:8

Me fadeso, gi na ya ti kete ngoi, KOTA GBIA Nzapa ti e, mo sara nzoni be na e. Mo sara si ambeni zo na popo ti e angba na fini si ala kiri ti duti na sese so mo zia ni nde ndali ti mo. Nilaa mo Nzapa ti e, mo zi le ti e, mo sara si e wara pasa ti duti na fini, ataa so e yeke na gbe ti ngbaa.

Sigingo 27:18

Yongoro ti gbagba ni ayeke duti metere baleoku, nduru ni metere baleuse na oku; ridoo so a sara na len so akpengba kpengbango so, yongo ni na nduzu ayeke duti metere use na ndambo. Agere ti angbongboro keke ni ayeke duti na bengba wen.

Sigingo 27:20

“Ti mo Moïse, fade mo yeke mu yanga na azo ti Israel titene ala ga na mo mafuta ti olive so ayeke nzoni ahon atanga ni kue, tongaso si wâ ayeke za na ya ti lamba lakue na lakui.

Sigingo 27:3

Ala yeke sara agbakuru ti gbalaka ni kue na bengba wen: ata so a yeke tuku mburu ti wâ ti mafuta ti anyama daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Sigingo 35:18

awen so a kpo ti gbu da ni na nduzu, na awen so a kpo ti gbu na gbagba ni nga na akamba ni;

Sigingo 38:20

Awen so ala kpo ti gbu da ni na nduzu nga na awen so ala kpo ti gbu na gbagba ni kue ayeke na bengba wen.

Sigingo 38:31

agere ti angbongboro wen ti gbagba ni na angbongboro wen ti yanga ti gbagba ni; awen so a kpo ti gbu da ni na nduzu nga na awen so a kpo ti gbu na gbagba ni.

Sigingo 39:40

– abongo ti gbagba ni, angbongboro wen ni, agere ni nga na ridoo ti yanga ti gbagba ni, akamba ni, awen so a kpo ti gbu da ni na nduzu; – agbakuru so kue a yeke sara na kua na ya ti da ti bongo so Nzapa na azo ti lo ayeke wara tere daa, da so a zia nde ndali ti Nzapa;

Zo ti bongbingo azo 12:11

Atënë ti azo ti ndara ayeke tongana keke so yanga ni ayo yongo ti kpongo na bagara ti sara si lo tambula. Azo so abongbi atënë ni na mbeti, ala yeke tongana pondi so a pika na ya ti keke si alinda ngangu. So matabisi ti Nzapa laa, lo oko so lo yeke bata azo tongana ataba ti lo.

Ésaïe 33:20

Mo baa *Sion, gbata so ando e yeke sara amatanga ti e daa, mo baa Jérusalem, ndo so azo ayeke duti daa kpoo; gbata ni ayeke ga tongana da ti bongo so ayeke kiri ti zi ni pepe, a yeke kiri ti gboto awen so a kpo ti gbu na da ni pepe, a yeke kiri ti zi akamba ni pepe.

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Wungo ti azo 3:37

Ala yeke baa nga lege ti angbongboro wen ti gbagba ni na agere ni so a zia ni angoro tere ti gbagba ti da ni kue, na wen so ala kpo ti gbu awen ni na nduzu, na akamba ni kue.

Wungo ti azo 4:32

angbongboro wen so angoro gbagba ni, agere ti awen ni, awen so a kpo ti gbu da ni na nduzu, akamba ti da ni nga na akungba nde nde so ala yeke sara na kua. Fade awayango-sandaga ayeke fa na zo oko oko kungba ti lo ti yongo ni.