Sigingo 27:16 - Mbeti ti Nzapa - Tënë so amu fini

¹⁶ Na yanga ti gbagba ni, ala yeke zia mbeni ridoo so ayo metere baleoko. Zo ti kpongo bongo na apendere nzoroko ayeke kpo nzoroko na tere ni na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala yeke kanga ridoo ni na tere ti angbongboro wen osio so aluti na ndö ti gere ni osio.

Sigingo 27:16 Iomraidhean Croise

Abia (Psaumes) 45:14

Molenge-wali ti gbia ayeke li na ya ti da; nengo ti wali ti gbia, lo yu apendere bongo so a zia lôro na tere ni.

Sigingo 26:31

“Fade azo ti sarango ye na kode ayeke mu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Fade ala yeke kpo limo ti *asheruben na tere ti ridoo ni.

Sigingo 26:36

“Ti ridoo ti yanga ti da ni, fade azo ti kpongo bongo na apendere nzoroko ayeke sara mbeni ridoo nde na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 27:15

Na mbeni mbage ti yanga ti gbagba ni, yongo ti bongo ni ayeke duti metere mbarambara na ndambo; angbongboro wen ni ayeke duti ota nga na agere ni ota.

Sigingo 27:17

Awen so a sara na wen ti nginza so, ala yeke kanga ni na tere ti angbongboro wen ti gbagba ni kue. Akongi ni ayeke duti nga na wen ti nginza si agere ni ayeke duti na bengba wen.

Sigingo 28:39

“Fade zo ti kpongo bongo na apendere nzoroko ayeke fu na Aaron mbeni kota bongo so a sara na *len, mbeni bongo so a yeke kanga na li tongana kpoto si a sara na len, nga na kamba ti ndö ti bongo so a kpo apendere nzoroko daa.

Sigingo 36:37

Ti ridoo ti yanga ti da ni, azo ti kpongo bongo na apendere nzoroko asara mbeni ridoo nde na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 39:29

akamba ti ndö ti bongo so a sara na len so akpengba kpengbango, nzoroko ni akpa le ti nduzu, bengba bongo na bengba bongo so ayeke za zango, alingbi na yanga so KOTA GBIA amu lani na Moïse.

Wungo ti azo 3:26

Ala yeke baa nga lege ti abongo na ridoo ti yanga ti gbagba ni; bongo ni angoro da ni nga na gbalaka. Ala yeke baa nga lege ti akamba so agbu li ti da ni na nduzu. Aye so kue, ala laa ayeke baa lege ni.

Awafango-ngbanga 5:30

‘E hinga pepe, ala ngba ti kangbi aye so ala gbu na peko ti bira: maseka-wali oko wala use ndali ti turugu oko oko kue. Sisra awara ti lo abongo ti nzoroko; a fu bongo ni na pendere nzoroko nde nde. A fu ni mbage na mbage ti zia na go ti zo so aso benda na ya ti bira.’