Sigingo 26:37 - Mbeti ti Nzapa - Tënë so amu fini

³⁷ Fade ala yeke leke angbongboro keke oku na keke ti akasia ti gbu ridoo ni na nduzu. Ala yeke zia lôro na tere ti akeke ni. Ala yeke kanga ridoo ni na tere ti akeke ni na akongi so a zia lôro na tere ni. Ala yeke kporo bengba wen ti sara na agere oku ndali ti angbongboro keke ni.”

Sigingo 26:37 Iomraidhean Croise

Sigingo 25:11

Fade ala yeke zia lôro ti nzoni ni na tere ti sanduku ni, na ya ni nga na mbage ti gigi ni kue. Ala yeke mu lôro, ala leke na mbeni pendere ye, ala zia na tere ti yanga ti sanduku ni, angoro ni kue.

Sigingo 25:5

aporo ti akoli-taba so a zia bengba nzoroko na tere ni, apendere poro ti nyama, keke ti akasia,

Sigingo 36:38

Ala sara ambeni ngbongboro keke oku ti gbu ridoo ni na nduzu; ala sara nga awen ni, akongi ni na ali ti keke ni, ala zia lôro na tere ni kue. Ala mu bengba wen si asara na agere ni so angbongboro keke ni aluti na ndö ni.

Sigingo 38:30

Azo ti sarango ye na kode amu ni si asara na agere ni so angbongboro keke ayeke luti na ndö ni; akeke ni ayeke na yanga ti da ti bongo so Nzapa na azo ti lo ayeke wara tere daa. Ala mu nga bengba wen ni asara na gbalaka, gbanda ni nga na agbakuru kue ti gbalaka ni;