Sigingo 26:32 - Mbeti ti Nzapa - Tënë so amu fini

³² Ala yeke kanga ridoo ni na nduzu na akongi so a sara na lôro; akongi ni ayeke duti na tere ti angbongboro keke osio ti akasia so a zia lôro na tere ni. Ala yeke zia angbongboro keke ni aluti na ndö ti gere ni osio so a sara na wen ti nginza.

Sigingo 26:32 Iomraidhean Croise

Esther 1:6

A leke ya ti yangbo ni na apendere vuru bongo ti *len nga na kua ti tere ti taba so nzoroko ni akpa le ti nduzu. A kanga abongo ni na nduzu na kamba ti bongo so abe bengo; a kanga ni na tere ti *kati so a sara ni na wen ti nginza si a kanga ni na tere ti angbongboro yongoro gere ti da ni so a sara ni na têne ti marbre. A leke apendere kota ngende ti tengo kobe so ayeke na lôro nga na wen ti nginza. Sese ti yangbo ni ayeke na têne so abe bengo, mbeni avuru vurungo, mbeni ayeke za zango si mbeni avuko vukongo.

Sigingo 25:5

aporo ti akoli-taba so a zia bengba nzoroko na tere ni, apendere poro ti nyama, keke ti akasia,

Sigingo 26:31

“Fade azo ti sarango ye na kode ayeke mu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Fade ala yeke kpo limo ti *asheruben na tere ti ridoo ni.

Sigingo 26:33

Ala yeke kanga ridoo ni na nduzu na gbe ti akongi ni. “Na peko ti ridoo ni kâ, ala yeke zia sanduku so a zia na ya ni atêne so a su atënë ti mbuki na le ni. Ridoo ni ayeke kangbi popo ti ndo so ayeke nde si ayeke nzoni kue na ndo so ayeke nde si ayeke nzoni kue ahon atanga ni.

Sigingo 26:37

Fade ala yeke leke angbongboro keke oku na keke ti akasia ti gbu ridoo ni na nduzu. Ala yeke zia lôro na tere ti akeke ni. Ala yeke kanga ridoo ni na tere ti akeke ni na akongi so a zia lôro na tere ni. Ala yeke kporo bengba wen ti sara na agere oku ndali ti angbongboro keke ni.”

Sigingo 36:38

Ala sara ambeni ngbongboro keke oku ti gbu ridoo ni na nduzu; ala sara nga awen ni, akongi ni na ali ti keke ni, ala zia lôro na tere ni kue. Ala mu bengba wen si asara na agere ni so angbongboro keke ni aluti na ndö ni.