Sigingo 26:1 - Mbeti ti Nzapa - Tënë so amu fini

¹ Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 26:1 Iomraidhean Croise

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

1 Agbia 6:29

A de alimo so akpa limo ti asheruben, ti amaboko ti mburu na ti akongo so ya ni azi zingo na tere ti dere ti kota da ni kue, na ya ti akubu ni use kue.

1 Mbai 17:1

So David aduti na yangbo ti lo awe, lo tene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti *KOTA GBIA ayeke lango na gbe ti da ti bongo.”

1 Mbai 21:29

Na ngoi ni so, da ti Nzapa so Moïse asara lani na benyama nga na gbalaka so a yeke gbi asandaga na ndö ni so angba na ndo so azo ayeke voro Nzapa daa na hoto ti Gabaon.

Sigingo 25:18

Ala yeke sara *asheruben use na lôro so a pika tere ni pikango, ala yeke zia ala na ndö ti ye ti kangango na yanga ti sanduku ni, oko na yanga ni, oko na mbeni yanga ni.

Sigingo 25:4

bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 25:8

Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Sigingo 26:2

Fade amapia-bongo ni kue alingbi tere: yongoro ni metere baleoko na osio si konongo ti le ni metere use.

Sigingo 26:31

“Fade azo ti sarango ye na kode ayeke mu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Fade ala yeke kpo limo ti *asheruben na tere ti ridoo ni.

Sigingo 26:36

“Ti ridoo ti yanga ti da ni, fade azo ti kpongo bongo na apendere nzoroko ayeke sara mbeni ridoo nde na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 31:7

da ti bongo so mbi na azo ti mbi e yeke wara tere daa, sanduku so a zia na ya ni atêne so a su atënë ti mbuki na le ni, ye ti kangango na yanga ti sanduku ni, agbakuru ti da ni kue,

Sigingo 35:11

da so Nzapa ayeke duti daa, na bongo so a yeke bi na li ni, na ye ti kangango na li ti da ni, na *akongi ni, na *amabaya ni, na alate ni, na angbongboro keke ti da ni nga na gere ti da ni;

Sigingo 35:35

KOTA GBIA asara si ala wara ndara mingi ti sara na akua nde nde: kua ti sarango ye na kode na tere ti atêne ti ngangu ngere, kua ti sarango ye ti kode, kua ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala hinga ti sara akua nde nde, ala hinga ti gbu li ti sigigi na kode ti akua nde nde.

Sigingo 35:6

bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 36:35

Na pekoni, azo ti sarango ye na kode amu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Ala kpo limo ti asheruben na tere ti ridoo ni.

Sigingo 39:3

Ala mu lôro, ala pika ni si aga lepe-lepe tongana kugbe. Azo ti kpongo bongo na apendere nzoroko afâ ya ni kete kete tongana kamba, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango nga na kamba ti len.

Sigingo 40:2

“Na kozo lango ti kozo nze, fade mo yeke gbara da ti bongo so mbi na azo ti mbi e yeke wara tere daa, da so mbi yeke duti daa.

Wungo ti azo 3:25

Kua ti azo ti mara ti Gershon na ya ti da ti bongo so KOTA GBIA na azo ti lo ayeke wara tere daa ayeke so: ala yeke baa lege ti abongo ti li ti da ni, ti gigi ni, ti ya ni nga na ridoo ti yanga ti da ni.

Wungo ti azo 4:25

ala yeke yo bongo ti li ti da so a zia ni nde ndali ti Nzapa, aporo ti koli-taba nga na apendere poro ti nyama so a yeke kanga na li ti da ni, ridoo ti yanga ti da ti bongo so KOTA GBIA na azo ti lo ayeke wara tere daa.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 2:21

Andaa kota da ti Nzapa so lo yeke tene tënë ni so, ayeke tere ti lo wani.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 9:2

Ndali ni, azo aleke mbeni da ti bongo. Kozo ndo ti ya ti da ti bongo ni, a iri ni “ndo so ayeke nde si ayeke nzoni kue”. Na ndo ni so, ala zia gere ti alamba na meza daa, meza so mapa ti mungo na Nzapa ayeke na ndö ni.

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.