Sigingo 25:4 - Mbeti ti Nzapa - Tënë so amu fini

⁴ bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 25:4 Iomraidhean Croise

Tongo nda ti aye 41:42

Faraon azi bage so ayeke na maboko ti lo, lo yoro ni na maboko ti Joseph. Lo yu na Joseph mbeni pendere bongo so a sara ni na *len si lo zia na go ti lo ye ti go so a sara ni na lôro.

Sigingo 25:3

Baa, aye so ala yeke yamba na maboko ti azo ni ayeke aye tongana: lôro, wen ti nginza, bengba wen,

Sigingo 25:5

aporo ti akoli-taba so a zia bengba nzoroko na tere ni, apendere poro ti nyama, keke ti akasia,

Sigingo 28:5

Fade azo ti kpongo bongo na apendere nzoroko ayeke mu kamba so a sara na lôro, bongo so nzoroko ni akpa le ti nduzu na bongo so abe bengo, bengba bongo so ayeke za zango nga na *len ti fu na abongo ni.”

Sigingo 28:6

“Fade azo ti sarango ye na kode ayeke fu *efod ni na kamba ti *len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ti efod ni na kamba so a sara na lôro.

Ezekiel 16:10

Mbi mu na mo abongo so a sara apendere nzoroko na tere ni nga na apendere poro so a sara na poro ti nyama; mbi mu na mo kamba ti ndö ti bongo so a sara na *len si mbi yeke yu na mo abongo ti ngangu ngere.

Ezekiel 27:7

Ala mu abongo ti *len ti Ezipte, ala kpo apendere nzoroko na tere ni, ala kanga na nduzu ti sara si pupu amu mo, atambula na mo na le ti ngu. Bongo ni asara si azo ahinga mo, ataa mo ngba yongoro. Bongo so nzoroko ni akpa le ti nduzu na bongo ti ngangu ngere so alondo na Shipre si aga, ala yeke kanga na ndö ti akungba.

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)