Sigingo 24:3 - Mbeti ti Nzapa - Tënë so amu fini

³ Moïse aga afa na azo ni peko ti atënë kue ti KOTA GBIA nga na andia ti lo kue. Azo ni kue akiri tënë yanga oko, atene: “Atënë so kue KOTA GBIA atene, fade e yeke sara ye alingbi na ni.”

Sigingo 24:3 Iomraidhean Croise

2 Mbai 15:14

Ala deba yanga ti ala na KOTA GBIA na dekongo na ngia, ala huru atatalita na adidi.

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

Abia (Psaumes) 50:5

Lo tene: “Ala bongbi azo ti mbi, azo ti mbi so mbi na ala e ga ambuki na lege ti *sandaga.”

Sigingo 19:8

Azo kue ayeda yanga oko, atene: “Atënë so kue KOTA GBIA atene so, fade e yeke sara ye alingbi na ni.” Moïse akiri na peko ti tënë ti azo ni na KOTA GBIA.

Sigingo 24:2

Me gi mo, Moïse oko, mo yeke ga nduru na mbi KOTA GBIA. Tanga ti azo ni ayeke ga nduru pepe, fade mo na azo ni ayeke ma na li ti hoto ni pepe.”

Sigingo 24:7

Lo mu mbeti ti mbuki si lo diko na le ti azo ni. Azo ni atene: “Atënë so kue KOTA GBIA atene, fade e yeke sara ye alingbi na ni, fade e yeke ma yanga ti lo.”

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Jérémie 34:13

“Tënë so KOTA GBIA, Nzapa ti Israel atene ayeke so: Mbi nga, mbi na akotara ti ala, e sara mbuki na ndembe so mbi sara si ala sigigi na sese ti Ezipte, ndo so ala yeke lani angbaa daa. Mbi tene na akotara ti ala ni, mbi tene:

Aggée 2:5

Na ndembe so ala londo ando na Ezipte ti sigigi, mbi deba yanga ti mbi na ala. Tongaso, Yingo ti mbi ayeke duti na popo ti ala, ala sara mbeto oko pepe!

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Ndia ti fani use ni 11:1

Moïse atene: Alingbi ala ye *KOTA GBIA Nzapa ti ala, ala sara ye alingbi na ye so lo mu yanga na ala ti sara, aye so ndia ti lo afa, atënë ti ndia ti lo nga na atënë ti yanga ti lo.

Ndia ti fani use ni 4:1

Moïse atene: Ala azo ti Israel, fadeso ala ma aye so ndia afa nga na atënë ti ndia so mbi yeke fa na ala titene ala sara ye alingbi na ni. Tongaso, fade ala yeke duti na fini si ala yeke gue ti mu sese so *KOTA GBIA, Nzapa ti akotara ti ala amu na ala.

Ndia ti fani use ni 4:45

Na peko ti so ala sigigi na sese ti Ezipte, Moïse afa na ala akpengba ndia, andia nga na atënë ti ndia.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”

Ndia ti fani use ni 6:1

Moïse atene: So ayeke atënë ti yanga, aye so ndia afa nga na atënë ti ndia so *KOTA GBIA Nzapa ti ala amu yanga na mbi ti fa ni na ala, tongaso si ala lingbi ti sara ye alingbi na ni na ya ti kodro so ala yeke gue ti mu ni titene aga ti ala.

Josué 24:21

Azo ni akiri tënë na Josué, atene: “Ên-en! E yeke sara kua gi na KOTA GBIA.”

Josué 24:22

Josué atene na azo ni, atene: “Ala wani laa asoro ti sara kua na KOTA GBIA: tënë ti ala laa ayeke fâ ngbanga na li ti ala.” Azo ni akiri tënë: “E yeda!”

Josué 24:24

Azo ni akiri tënë na Josué, atene: “Biani, e yeke sara kua na KOTA GBIA, Nzapa ti e; e yeke ma yanga ti lo!”