Sigingo 24:17 - Mbeti ti Nzapa - Tënë so amu fini

¹⁷ Azo ti Israel abaa gonda ti KOTA GBIA tongana mbeni wâ so ayeke gbi ye kue na li ti hoto ni.

Sigingo 24:17 Iomraidhean Croise

2 Samuel 22:13

Zango ndo ayeke na dawa ti lo; akete kete le ti wâ ayeke sigigi daa.

2 Samuel 22:9

Guru ti wâ asigigi na hon ti lo, kota wâ so ayeke gbi aye kue asigigi na yanga ti lo; ale ti wâ so aza ngangu asigigi na yanga ti lo.

Sigingo 19:11

Ayeke nzoni ala leke tere ti ala ndali ti ota lango ni. Biani, na ota lango ni laa mbi yeke zu na ndö ti hoto ti Sinai na le ti azo kue.

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Sigingo 3:2

*Ange ti KOTA GBIA asi na lo na ya ti menga ti wâ, na ya ti mbeni kete keke ti ki. Moïse abaa ndo si lo baa so ya ti keke ni kue gi wâ, me wâ ni agbi keke ni pepe.

Ezekiel 1:27

Tere ti lo so akpa zo so ayeke za ngrengre tongana wen so akpaka tere ni kue si ayeke za zango. Mbeni ye angoro lo kue si akpa wâ, avuru ndo na tere ti lo kue, ti londo na mbage ti ya ti lo ti si na nduzu nga na gbeni.

Ezekiel 1:28

Lumiere so angoro lo akpa *kongö so ayeke za na ya ti mbinda na lango so ngu-Nzapa aye ti pika; andaa ye ni akpa gonda ti KOTA GBIA. Na bango ni, mbi ti, mbi kpo li ti mbi na sese. Na pekoni, mbi ma mbeni go so ayeke tene tënë na mbi.

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

Ndia ti fani use ni 4:36

Ala ma go ti lo so alondo kâ na yayu ti fa na ala lege ti mango yanga. Na ndö ti sese, lo sara si ala baa kota wâ ti lo; lo tene tënë na ala na ya ti wâ ni.

Ndia ti fani use ni 9:3

Alingbi ala hinga laso atene, *KOTA GBIA Nzapa ti ala wani laa ayeke tambula na dawa ti ala tongana wâ so ayeke gbi ndo kue. Fade lo yeke kinda azo ni na dawa ti ala si lo yeke nika ala. Ala azo ti Israel, ala yeke tumba azo ni si ala yeke fâ ala kue ti hunzi ala gi hio tongaso, alingbi na zendo so KOTA GBIA amu na ala.

Ahebro 12:18

Lani so ala ga nduru na Nzapa, ala ga nduru pepe na tere ti hoto so zo alingbi ti ndu ni na maboko, so ti tene hoto ti Sinai: na ndö ti hoto ni, wâ so ayeke gbi, ndo so avuko pitipiti, kota pupu so aya ngangu ayeke daa.

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.