Sigingo 24:14 - Mbeti ti Nzapa - Tënë so amu fini

¹⁴ Kozo titene Moïse ama na li ti hoto ni, lo tene na *akangba ni, lo tene: “Ala ku e ge ngbii e kiri, e ga, e wara ala. Aaron na Hur ayeke ngba na tere ti ala. Zo so ayeke na mbeni tënë, fade lo baa ala.”

Sigingo 24:14 Iomraidhean Croise

Tongo nda ti aye 22:5

Abraham atene na amaseka-koli ni: “Ala na lele ni angba ti ala ge. Mbi na molenge ni, e yeke gue na mbage ti nduzu kâ ti voro Nzapa. Na pekoni, e yeke kiri ande na tere ti ala.”

Sigingo 17:10

Josué ague ti tiri bira na azo ti Amalek alingbi na tënë so Moïse atene na lo. Me Moïse, Aaron na Hur ague ti ala na li ti hoto.

Sigingo 17:12

So maboko ti Moïse awoko awe, Aaron na Hur amu mbeni têne, ala zia na gbe ti Moïse si lo duti na ndö ni. Aaron na Hur aluti mbage na mbage, ala gbu maboko ti Moïse na nduzu. Tongaso maboko ti Moïse angba na nduzu ngbii asi na lakui.

Sigingo 18:16

Tongana ala yeke na mbeni tënë, ala yeke ga na mbage ti mbi, mbi yeke fâ ya ti ngbanga na popo ti ala; mbi yeke fa nga na ala ambela ti Nzapa na andia ti lo.”

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

1 Samuel 10:8

Fade mo yeke gue na Gilgal kozo ti mbi. Mbi yeke gue na peko ti wara mo kâ ti mu na Nzapa *sandaga so a yeke gbi ni kue na wâ nga na sandaga ti beoko. Fade mo yeke ku mbi na ya ti lango mbarambara ngbii mbi ga, mbi wara mo si. Tongana mbi ga, mbi yeke fa na mo ye so mo lingbi ti sara.”