Sigingo 24:12 - Mbeti ti Nzapa - Tënë so amu fini

¹² KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 24:12 Iomraidhean Croise

1 Agbia 19:11

KOTA GBIA atene na lo: “Sigigi! Gue mo luti na dawa ti mbi na ndö ti hoto. Mbi KOTA GBIA, mbi yeke ga ti hon.” Kozo titene KOTA GBIA ahon, mbeni kota pupu aya ngangu mingi, asuru ya ti ahoto si afâ ya ti atêne; me KOTA GBIA ayeke na ya ti pupu ni pepe. Na peko ti pupu ni, sese ayingi; me KOTA GBIA ayeke na ya ti sese so ayingi so pepe.

Esdras 7:10

Biani, Esdras azia be ti lo kue ti gi nda ti *Ndia ti KOTA GBIA, ti sara ye alingbi na ni. Lo ye nga ti fa na azo ti Israel atënë ti ndia ni nga na aye so ndia afa.

Néhémie 9:13

Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Abia (Psaumes) 19:12

Atënë ni azi nga le ti mbi, zo ti kua ti mo; zo ayeke wara ye mingi na lege ti batango atënë ni.

Sigingo 19:3

Moïse ague na li ti hoto ti wara tere na Nzapa. Kâ na li ti hoto ni, KOTA GBIA airi lo si atene na lo: “Baa, tënë so fade mo yeke tene na azo ti mara ti Jacob, azo ti Israel ayeke so:

Sigingo 24:15

So Moïse ayeke ma na li ti hoto ni, mbinda akanga ndö ti hoto ni kue.

Sigingo 24:18

Moïse ali na ya ti mbinda ni si lo ma na li ti hoto ni. Lo ngba kâ lango baleosio na bi baleosio.

Sigingo 24:2

Me gi mo, Moïse oko, mo yeke ga nduru na mbi KOTA GBIA. Tanga ti azo ni ayeke ga nduru pepe, fade mo na azo ni ayeke ma na li ti hoto ni pepe.”

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 34:1

KOTA GBIA atene na Moïse: “Mo leke akpangbara têne use tongana ti kozoni so. Fade mbi yeke su na le ni gi atënë so ayeke lani na le ti akozo têne so mo fâ ya ni so.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Matthieu 5:19

Ndani laa, zo so ake mbeni kete kete mbage ti Ndia si lo fa lege ti kengo ni na ambeni zo, fade lo yeke duti ndangba zo na ya ti *Kodro-gbia ti yayu. Me zo so asara ye alingbi na atënë ni si lo fa lege na amba ti lo ti sara ye alingbi na ni, fade lo yeke duti kota zo na ya ti Kodro-gbia ti yayu.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

2 Korente 3:7

A de atënë ti ndia na ndö ti atêne si gonda ti Nzapa aza ahon ndoni na ndembe ni so. Ndali ti zango ti gonda ni, azo ti Israel alingbi ti baa le ti Moïse pepe, ataa so gonda ni ayeke gi ndali ti kete ngoi. Tongana ndia so ayeke gue na zo na kuâ asara si lo wara gonda ahon ndoni,

Ndia ti fani use ni 4:14

Na ngoi ni so, KOTA GBIA amu na mbi yanga ti fa na ala andia na atënë ti ndia titene ala sara ye alingbi na ni na ya ti kodro so ala yeke gue ti mu ni titene aga ti ala.

Ndia ti fani use ni 5:22

So ayeke atënë so KOTA GBIA atene na ala na kota go, na ya ti wâ, na ya ti guru ti wâ nga na ya ti ngbongboro mbinda. Lo tene atënë ni na ala so kue abongbi na gbe ti hoto; lo zia mbeni tënë nde na ndö ni pepe. Na pekoni, lo su atënë ni na le ti akpangbara têne use si lo mu ni na mbi.

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.