Sigingo 24:1 - Mbeti ti Nzapa - Tënë so amu fini

¹ KOTA GBIA atene lani na Moïse, atene: “Mo ma na li ti hoto na mbage ti mbi, mo na Aaron, na Nadab, na Abihu nga na *akangba ti Israel balembarambara. Ala luti yongoro, ala kuku akpo li ti ala na sese.

Sigingo 24:1 Iomraidhean Croise

1 Mbai 6:3

Amolenge ti Kehat ayeke Amram, Isar, Hebron na Uziel.

Sigingo 1:5

*Ahale ti Jacob kue ayeke balembarambara. Joseph, mbeni molenge ti Jacob asi ti lo na Ezipte kozoni.

Sigingo 19:20

KOTA GBIA azu na ndö ti hoto ti Sinai, na li ti hoto ni, lo iri Moïse si Moïse ague na ndö ti hoto ni.

Sigingo 19:24

KOTA GBIA atene na Moïse: “Kiri mo zu; na pekoni, mo na Aaron ama na li ti hoto ni. Ti awayango-sandaga nga na azo ni, ala do tere ti ala pepe ti ma na mbage ti mbi. Tongaso pepe, fade mbi yeke sara titene azo mingi na popo ti ala akui.”

Sigingo 19:9

KOTA GBIA atene na Moïse: “Baa, mbi yeke ga ti si na mo na ya ti gba ti nengo mbinda. Tongaso, azo ti Israel alingbi ti ma go ti mbi na ndembe so mbi yeke tene tënë na mo si ala lingbi ti zia be ti ala na ndö ti mo kpu na kpu.” Moïse akiri atene peko ti atënë ti azo ni na KOTA GBIA.

Sigingo 20:21

Azo ni aluti yongoro, me Moïse ague nduru na tere ti mbinda so avuko vukongo si Nzapa ayeke daa so.

Sigingo 24:15

So Moïse ayeke ma na li ti hoto ni, mbinda akanga ndö ti hoto ni kue.

Sigingo 24:2

Me gi mo, Moïse oko, mo yeke ga nduru na mbi KOTA GBIA. Tanga ti azo ni ayeke ga nduru pepe, fade mo na azo ni ayeke ma na li ti hoto ni pepe.”

Sigingo 24:9

Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 3:5

KOTA GBIA atene: “Ga nduru na kete keke ni pepe! Zi poro na gere ti mo, ngbanga ti so ndo so mo yeke luti daa so ayeke nde si ayeke nzoni kue.

Sigingo 34:2

Kekereke na ndaperere, mo leke tere ti mo. Na kota ndaperere, mo gue na ndö ti hoto ti Sinai, mo luti kâ na dawa ti mbi na li ti hoto ni.

Sigingo 6:23

Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Ezekiel 8:11

Akangba balembarambara ti azo ti Israel aluti na le ti alimo ni. Na popo ti ala Yazania, molenge ti Shafan ti koli ayeke daa. Zo oko oko agbu kete ta ti zongo na dukani na maboko ti lo si gba ti guru ti dukani ni ayeke ya ti gue na nduzu.

Wungo ti azo 11:16

KOTA GBIA akiri tënë na Moïse: “Mo bongbi na mbi azo balembarambara na popo ti *akangba ti Israel, ala so mo hinga, mo tene, ala yeke akangba nga na azo so ayeke baa ndo na ndö ti azo ti Israel. Mo ga na ala kue na ya ti da so mbi na azo ti mbi, e yeke wara tere daa. Mo na ala kue ayeke luti na nduzu na dawa ti mbi.

Nzoni Tënë so Luc asu na mbeti 10:1

Na pekoni, *Kota Gbia asoro ambeni disiple balembarambara na use; lo tokua ala use use titene ala hon kozoni na lo na ya ti agbata na akete kodro so kue lo ye ti gue daa.

Nzoni Tënë so Luc asu na mbeti 10:17

Adisiple balembarambara na use akiri na ngia na be ti ala si ala tene na lo: “*Kota Gbia, ataa asioni yingo ama yanga ti e tongana e mu yanga na ala na iri ti mo.”

Ndia ti fani use ni 1:15

Tongaso, mbi mu azo so ayeke na li ti amara ti ala, azo ti ndara na azo so iri ti ala awu nzoni, mbi zia ambeni na li ti azo saki oko, ambeni na li ti azo ngbangbo oko, ambeni na li ti azo baleoku, ambeni na li ti azo baleoko. Mbi zia ambeni ti baa ndo na ndö ti akua na ya ti amara oko oko.