Sigingo 23:8 - Mbeti ti Nzapa - Tënë so amu fini

⁸ Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Sigingo 23:8 Iomraidhean Croise

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Abia (Psaumes) 26:10

Maboko ti ala aye ti sara sioni lakue, ala ye tënë ti petengo goro lakue.

Amato 15:27

Zo so ayeke wara mosoro na legeni pepe, lo yeke ga na kpale na ya ti sewa ti lo. Me zo so ake tënë ti petengo goro, lo yeke ngba na fini.

Amato 17:23

Zo ti sioni amu goro so a pete na lo na hondengo ni ti sara si mbirimbiri fango ngbanga aduti daa pepe.

Amato 17:8

Ambeni zo abaa ti ala petengo goro tongana waraga so ayeke zi lege na ala; ala baa atene, ndo so kue ala yeke gue daa, aye ti ala kue ayeke ga nzoni.

Amato 19:4

Mosoro ti zo asara si azo so aye lo awu wungo; me ti wayere, ataa zo oko so aye lo, ayeke do lo ti zia.

Zo ti bongbingo azo 7:7

Zo ti ndara so ato nda ti sara ngangu na azo, lo yeke ga zo ti buba; petengo goro ayeke buba ya ti li ti zo.

Ésaïe 1:13

Ala zia mbi na abuba sandaga ti ala ni; be ti mbi ake dukani ti ala mingi. Amatanga ti fini nze, amatanga ti wungo tere na abongbi nde nde, mbi ye ti kiri ti ma tënë ni na mê ti mbi pepe. Sarango amatanga na sarango siokpari, ala bongbi ni kue gi oko, mbi lingbi ti yeda na ni tongana nyen?

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 33:15

– Zo so ayeke sara ye ti mbirimbiri si lo yeke tene taa-tënë; zo so ake ti wara ye na lege ti sarango ngangu na azo, zo so ake titene a pete na lo goro, zo so akanga mê ti lo titene lo ma atënë ti fango zo pepe, zo so akanga le ti lo titene lo baa ye ti sioni pepe.

Ésaïe 5:22

Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Osée 4:18

So ala nyon samba ahon ndö ti ala awe, ala kiri ti sara gi aye ti ndumba; amakonzi ti ala aye ti sara gi aye ti kamene mingi.

Amos 5:12

Biani, mbi hinga gba ti asioni ye so ala sara na asiokpari ti ala so ahon ndoni so. Ala yeke sara ngangu na azo ti mbirimbiri, ala yeke mu goro na maboko ti azo. Na le ti ngbanga, ala yeke kanga lege titene a fâ ngbanga ti azo ti mawa na legeni.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

1 Samuel 12:3

Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.