Sigingo 23:14 - Mbeti ti Nzapa - Tënë so amu fini

¹⁴ “Na ya ti ngu oko oko, fade ala yeke sara akota matanga ota ndali ti mbi.

Sigingo 23:14 Iomraidhean Croise

1 Agbia 9:25

Fani ota na ya ti ngu oko oko, Salomon ayeke mu *asandaga so a yeke gbi ni kue na wâ nga na sandaga ti beoko na ndö ti gbalaka so lo sara ndali ti KOTA GBIA. Lo yeke zö dukani na ndö ti gbalaka so ayeke na dawa ti KOTA GBIA. Lege so Salomon ahunzi ti sara kota da ti KOTA GBIA laa.

2 Mbai 8:13

Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

Sigingo 23:17

Na ya ti ngu oko oko, fade akoli kue ti mara ti ala ayeke ga fani ota na dawa ti mbi, Kota Gbia NZAPA.

Sigingo 34:17

“Alingbi ala kporo wen ti sara na mbeni yanda pepe.

Sigingo 34:18

“Alingbi ala sara matanga ti Mapa so a sara na mama ni pepe: na ya ti lango mbarambara na nze ti Abib, fade ala yeke te mapa so a sara na mama ni pepe alingbi na yanga so mbi mu na ala. Biani, lani na nze ti Abib laa ala sigigi na Ezipte.

Ezekiel 46:9

Tongana azo ti kodro ayeke ga ti voro KOTA GBIA na lango ti kota matanga, ala so ali na yanga ti gbagba ni ti mbage ti Banga, fade ala yeke sigigi na yanga ni ti mbage ti Mbongo; ala so ali na yanga ti gbagba ni ti mbage ti Mbongo, fade ala yeke sigigi na yanga ni ti mbage ti Banga. Yanga ti gbagba so zo ali na ni, lo lingbi ti sigigi gi na oko lege ni pepe; me lo yeke sigigi na yanga ti gbagba ti mbeni mbage ni.

Awayango-sandaga 23:16

Ti londo na lango ni so, ala yeke diko lango baleoku ngbii asi na ndade ti lango ti wungo tere, ala yeke ya na mbi, KOTA GBIA *sandaga ti fini ale ti kobe.

Awayango-sandaga 23:34

Tene na azo ti Israel, mo tene: “Na lango baleoko na oku ti nze mbarambara ni, matanga ti Akpangba ayeke duti daa. Ala yeke sara matanga ni na ya ti lango mbarambara ndali ti mbi KOTA GBIA.

Awayango-sandaga 23:4

“Ambeni kota matanga so ala yeke bongbi ti voro mbi KOTA GBIA fade ala yeke sara ni alingbi na alango so a diko awe:

Awayango-sandaga 23:5

“Na lango baleoko na osio ti kozo nze ni, na lakui, fade ala yeke sara *matanga ti Pake ndali ti mbi KOTA GBIA.

Ndia ti fani use ni 16:1

Moïse atene: Na nze ti Abib, fade ala yeke sara *matanga ti Pake ndali ti *KOTA GBIA Nzapa ti ala, ngbanga ti so na nze so laa KOTA GBIA Nzapa ti ala asara si ala sigigi na sese ti Ezipte na bi.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

1 Samuel 1:3

Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.