Sigingo 23:1 - Mbeti ti Nzapa - Tënë so amu fini

¹ “Alingbi ala fono na atënë ti mvene na iri ti amba ti ala pepe. Zo so asara sioni, ala tene mvene na le ti ngbanga pepe ti gbu koko ti lo.

Sigingo 23:1 Iomraidhean Croise

Tongo nda ti aye 39:17

Lo kiri lo fa gi peko ti oko tënë ni na koli ti lo, lo tene: “Ngbaa ti mara ti Hebro so mo ga na lo na e so, aga na tere ti mbi ti he mbi na ngia.

2 Samuel 16:3

Gbia akiri ahunda lo, atene: “Mefibaal, ata ti wa ti mo ayeke na ndo wa?” Siba akiri tënë na gbia, atene: “Lo ngba na Jérusalem. Biani, lo tene: ‘Laso laa azo ti Israel ayeke zia mbata ti gbia ti ata ti lo na lo.’ ”

2 Samuel 19:27

Mefibaal akiri tënë, atene: “Gbia ti mbi, zo ti kua ti mbi laa ahanda mbi. Mbi tene na be ti mbi, mbi tene: ‘So mbi yeke ti mbi zo ti bubango gere so, fade mbi yeke mu yanga titene a leke lele ti mbi, mbi ko na ndö ni si mbi mu peko ti gbia.’

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 120:3

Mbi hunda tere ti mbi, mbi tene: Ala azo so tënë ti yanga ti ala gi mvene so, sioni ti nyen laa Nzapa ayeke bi ande na ndö ti ala?

Abia (Psaumes) 15:3

Lo yeke du mvene na li ti zo pepe, lo yeke sara mbana na zo pepe, lo yeke zonga nga mba ti lo pepe.

Abia (Psaumes) 27:12

Azo so ayeke na nzara ti sara sioni na mbi, mo zia mbi, mbi ti na maboko ti ala pepe. Biani, azo alondo ti bi tënë ti mvene na li ti mbi, ala diko sioni tënë na tere ti mbi.

Abia (Psaumes) 35:11

Azo alondo ti bi tënë ti mvene na li ti mbi, ala hunda mbi na ndö ti ye so mbi hinga pepe.

Sigingo 20:16

“Alingbi mo tene mvene na li ti mba ti mo pepe na le ti ngbanga.

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Amato 10:18

Zo so ahonde tënë ti kengo amba ti lo, lo yeke zo ti tenengo mvene; zo so adu mvene na li ti azo, lo yeke zo so li ti lo ayeke daa pepe.

Amato 12:17

Zo so ayeke tene taa-tënë, lo yeke zia lege na ye ti mbirimbiri; me zo so adu mvene na le ti ngbanga, lo yeke zia lege na tënë ti handa.

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Amato 17:4

Zo ti sarango sioni ayeke dingi mê ti lo ti ma gi asioni tënë; zo ti mvene ayeke zia mê ti lo kpoo ti ma gi atënë ti mvene.

Amato 19:28

Mbumbuse zo so a iri lo ti fa na gbe ti ngbanga peko ti ye so lo baa, fade lo yeke he fango ngbanga ti mbirimbiri hengo. Gi sarango asioni ye laa anzere na be ti azo ti sioni.

Amato 19:5

Zo so atene mvene na le ti ngbanga, fade pekoni ayeke ngba na lo senge pepe; zo so atene mvene, lo nga lo yeke sigigi na ya ti ngbanga pepe.

Amato 19:9

Zo so atene mvene na le ti ngbanga, fade pekoni ayeke ngba na lo senge pepe. Zo so atene mvene, ti lo ahunzi awe.

Amato 21:28

Zo so atene mvene na le ti ngbanga, fade lo yeke kui; me zo so ahinga ti ma tënë, fade azo ayeke mu tënë na lo lakue.

Amato 24:28

Mo bi tënë na li ti mba ti mo senge senge pepe. Mo ye ti handa ndo na lege ti atënë ti yanga ti mo?

Amato 25:18

Zo so atene mvene na tere ti mba ti lo na le ti ngbanga, lo yeke tongana kota martoo, wala yongoro zeme, wala le ti kokora so yanga ni aza.

Amato 25:23

Tongana ti so pupu ti Banga ayeke ga na ngu-Nzapa, tenengo sioni tënë na hondengo ni na tere ti zo asara si ngonzo ti lo alondo.

Amato 6:19

zo so ayeke na tere ti mbeni tënë, me na pekoni lo tene mvene na le ti ngbanga, nga na zo so ayeke bi tënë ti papa na popo ti a-ita.

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Awayango-sandaga 19:16

Ala du mvene na li ti azo ti kodro ti ala pepe. Ala bi tënë na li ti mba ti ala titene a fâ ngbanga ti kuâ na li ti lo pepe. Mbi laa mbi yeke KOTA GBIA.

Matthieu 19:18

Koli ni ahunda Jésus, atene: “Andia wa?” Jésus akiri tënë na lo: “Alingbi mo fâ zo pepe; alingbi mo gi wali wala koli ti zo pepe; alingbi mo nzi pepe; alingbi mo tene mvene na le ti ngbanga pepe;

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

Nzoni Tënë so Luc asu na mbeti 3:14

Aturugu nga ahunda lo, atene: “Ti e, nyen laa e lingbi ti sara?” Lo tene na ala: “Ala sara ngangu na azo pepe ti mu nginza ti ala, ala tene nga tënë ti mvene na li ti azo pepe ti mu nginza ti ala, me ala zia be ti ala gi na ndö ti futa ti ala.”

Jean 7:51

“*Ndia ti e amu lege na e ti fâ ngbanga na li ti zo so ade e ma tënë ti lo pepe si ade e hinga ye so zo ni asara pepe?”

Rome 3:8

Ngbanga ti nyen si e lingbi ti tene pepe, e tene: “E sara ye ti sioni si nzoni ye asigigi daa”? Biani, ambeni zo ni ayeke zonga mbi si ala yeke du mvene na li ti mbi atene, mbi laa mbi tene tënë so. Ti azo ni so, ala lingbi titene Nzapa afâ ngbanga na li ti ala!

Efeze 4:25

Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

Ndia ti fani use ni 5:20

“Alingbi mo tene mvene na li ti mba ti mo pepe na le ti ngbanga.

2 Timothée 3:3

Ala yeke na be ti zo pepe, ala yeke sara mawa ti amba ti ala pepe, ala yeke tene sioni tënë na iri ti amba ti ala, ala yeke kanga nzara ti tere ti ala pepe, ala yeke sara pasi na amba ti ala, ala ye ti sara nzoni ye pepe.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.