Sigingo 22:26 - Mbeti ti Nzapa - Tënë so amu fini

²⁶ Biani, gi oko bongo so lo yeke bi na ndö ti lo laa. Tongana ala gbanzi ni, nyen laa lo yeke bi na ndö ti lo ti lango na ni? Tongana lo dekongo na mbi ti mu na lo maboko, fade mbi yeke ma lo. Biani, mbi yeke Nzapa so mbi yeke baa mawa ti zo.

Sigingo 22:26 Iomraidhean Croise

Mbeti ti Job 22:6

Ndali ti boon so ayeke na li ti amba ti mo, mo yeke gbu ka aye ti ala senge senge; gi oko bongo so ala yeke na ni, mo yeke mu ni na maboko ti ala.

Mbeti ti Job 24:3

Ala yeke mu lele ti nyindu ti hon na ni; ala yeke gbu bagara ti wali-mua na yongo titene lo futa mbeni ye si a kiri na lo bagara ni.

Mbeti ti Job 24:7

Na bi, ala yeke lango tere ti ala senge, ngbanga ti so ala yeke na bongo pepe. Tongana de asara, ala yeke na balangeti pepe.

Mbeti ti Job 24:9

A yeke gboto nyindu na yanga ti me; a yeke gbu zo ti mawa na ngangu ti futa yongo so ayeke na li ti lo.

Mbeti ti Job 34:28

Ala pusu azo ti mawa ti dekongo na Nzapa. Andaa lo ma dekongo ti azo so amba ti ala asara ngangu na ala.

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Amato 20:16

Tongana mbeni zo aga abaa mo titene mo sara boon na mbeni wande, alingbi mo mu bongo ti zo so aga abaa mo so; mo bata bongo ni, ngbanga ti so lo mu zendo ti sara boon na mbeni wande.

Amato 22:27

ngbanga ti so tongana mo yeke na ye ti futa na ni pepe, ataa gbogbo ti mo, fade a yeke zi ni na gbe ti mo.

Ezekiel 18:16

Lo yeke sara ngangu na zo pepe; ye so lo gbu na maboko ti zo ndali ti yongo ti lo, lo yeke gbanzi ni pepe; lo yeke nzi ye ti zo pepe, lo yeke mu kobe ti lo na zo so nzara asara lo, lo yeke mu bongo na zo so bongo atia lo.

Ezekiel 18:7

Lo yeke sara ngangu na zo pepe; tongana lo gbu ye ti zo ndali ti yongo ti lo so ayeke na li ti zo ni, lo yeke kiri na ni; lo yeke nzi ye ti zo pepe, lo yeke mu kobe na zo so nzara asara lo, lo yeke mu bongo na zo so bongo atia lo.

Ezekiel 33:15

tongana lo kiri na ye so azo amu na lo titene lo bata ndali ti yongo ti lo so ayeke na li ti ala, tongana lo kiri na ye so lo nzi, tongana lo sara ye alingbi na ndia so ayeke mu fini na zo si lo kiri ti sara sioni ye pepe, fade lo yeke duti na fini biani, lo yeke kui pepe.

Amos 2:8

Abongo so ala gbu na maboko ti awayere ndali ti boon so awayere ni amu, ala bi na sese, nduru na tere ti agbalaka si ala yeke lango na ndö ni. Vin so ala gbanzi, ala ayeke nyon ni na ya ti da ti anzapa ti ala.

Ndia ti fani use ni 24:17

Moïse atene: Ala buba ya ti ngbanga ti wande wala ti nyindu pepe. Ala gbu bongo ti wali-mua ti bata ni ndali ti yongo ti ala pepe.

Ndia ti fani use ni 24:6

Moïse atene: Tongana mba ti mo amu yongo ti mo, mo lingbi ti mu mbeni ye ti lo ti bata ti ku titene lo futa yongo ti mo ni si; me mo lingbi ti mu atêne ti nikango na ale ti kobe ti lo pepe, ataa kota têne ni wala kete ni. Tongana mo sara tongaso, andaa fini ti mba ti mo ni laa mo mu so.