Sigingo 22:13 - Mbeti ti Nzapa - Tënë so amu fini

¹³ “Tongana mbeni zo ahunda nyama ti mba ti lo ti sara na kua si nyama ni awara ka wala lo kui na ndembe so wani ti lo ayeke daa pepe, fade zo ni ayeke futa mbeni ye na wani.

Sigingo 22:13 Iomraidhean Croise

Sigingo 22:12

Tongana mbeni sioni nyama laa asuru ya ti nyama ni, fade zo ni ayeke mu tanga ti kasa ti nyama ni, lo ga na ni titene azo abaa. Tongaso, fade lo yeke futa mbeni ye oko pepe.

Sigingo 22:14

Me tongana wa ti nyama ni ayeke daa si ye ni asi, fade zo so ahunda nyama ni so ayeke futa mbeni ye oko pepe. Tongana zo ni afuta fade mbeni nginza ti sara kua na nyama ni ndali ti mbeni kete ngoi, nginza so lo futa so alingbi awe.”

Ezekiel 4:14

Mbi kiri tënë, mbi tene: “Ae! Kota Gbia NZAPA, laoko mbi buba tere ti mbi pepe. So mbi de molenge ngbii asi laso, laoko mbi te kuâ ti nyama pepe, wala nyama so mbeni sioni nyama asuru ya ti lo. *Sioni kasa ti nyama ade ti li na yanga ti mbi laoko pepe.”

Amos 3:12

Tënë so KOTA GBIA atene ayeke so: “Tongana ti so wabatango-taba ayeke gboto gi gere use wala nduru mê ti taba na yanga ti bamara so agbu mbeni taba, gi mara ti ye so laa ayeke si ande na azo ti Israel so ayeke lango na gbata ti Samarii; azo ti Israel so ayeke lango na ya ti ayongoro ngende, wala na ndö ti apendere gbogbo so, fade a yeke soo gi ambeni oko oko.”

Mishe 5:8

“Sara bira na awato ti mo, mo fâ ala kue!”

Nahum 2:12

Fadeso, ndo ti lango ti abamara ayeke na ndo wa? Ndo so akete bamara ayeke te kobe daa ayeke na ndo wa? Lani, tongana bamara ahon ti gi nyama ndali ti amolenge ti lo, zo oko ti zia mbeto na be ti ala ayeke daa pepe.