Sigingo 21:23 - Mbeti ti Nzapa - Tënë so amu fini

²³ Me tongana mbeni sioni ye asi na wali ni, fade a yeke sara sioni na zo ni: tongana lo fâ zo, fade a yeke fâ nga lo.

Sigingo 21:23 Iomraidhean Croise

Awayango-sandaga 24:19

“Zo so abuba mbeni mbage ti tere ti mba ti lo, fade a yeke buba nga gi oko mbage ti tere ti lo ni:

Awayango-sandaga 24:20

zo so akungbi bio ti mba ti lo, a yeke kungbi nga bio ti lo; zo so akoro le ti mba ti lo, a yeke koro nga le ti lo; zo so akungbi pembe ti mba ti lo, a yeke kungbi nga pembe ti lo; zo so asara sioni na mba ti lo, gi mara ti sioni so laa a yeke sara na lo.

Wungo ti azo 35:31

Zo so afâ mba ti lo si lo lingbi na kuâ, ala yeda pepe titene lo mu na ala nginza si ala zia lo, lo ngba na fini. Alingbi ala fâ lo.

Ndia ti fani use ni 19:21

Ala yeke baa mawa ti zo pepe: tongana lo fâ zo, alingbi a fâ nga lo; tongana lo koro le ti zo, alingbi a koro nga le ti lo; tongana lo fâ pembe ti zo, alingbi a fâ nga pembe ti lo; tongana lo kungbi maboko ti zo, alingbi a kungbi nga maboko ti lo; tongana lo kungbi gere ti zo, alingbi a kungbi nga gere ti lo.